Verslag - NG Kerk in Oos-Kaapland

AKTO was by die vorige Algemene Sinode een van die instansies wat gevra het dat daar n deeglike
ondersoek gedoen word na die posisie van die predikant. Dit is dus ook duidelik dat die implikasies van
hierdie verslag soos wat dit deur die ASM goedgekeur is en verder deur die Algemene Sinode verfyn kan
word, baie groot invloed sal uitoefen op die sake waarmee AKTO in die toekoms te doen sal hê.
5.2 AANBEVELING: A-Z HANDLEIDING
Die Algemene Sinode versoek AKTO om so spoedig moontlik al die aanvaarde voorstelle rakende
teologiese opleiding van die A-Z Handleiding ten uitvoer te bring by die drie opleidingsentra van die
kerk in samewerking met die onderskeie kuratoria en fakulteite.
6. EENVORMIGE COLLOQUIUM DOCTUM
6.1 BESTEK
AKTO het daarin geslaag om n eenvormige bestek vir die Colloquium Doctum daar te stel. Die presiese
wyse van eksaminering word deur die betrokke Eksamenkommissie afgeneem.
6.2 AANBEVELING: EENVORMINGE COLLOQUIUM DOCTUM
Die Algemene Sinode neem met dank kennis van die eenvormige Colloquium Doctum
7. TWEEDE LOOPBAAN-STUDENTE
7.1 AGTERGROND
AKTO is terdeë bewus van die feit dat die kerk nie behoorlik ingerig is om aan hierdie kategorie student
behoorlik aandag te gee nie. Sake wat baie meer aandag moet geniet, is die moontlikheid van telematiese
onderrig, blok-(veral vakansie)-kursusse, tegemoetkoming ten opsigte van residensie aan n universiteit,
ens. AKTO is van oordeel dat hierdie ook n aspek is waarby die kerk as geheel betrokke moet wees en dat
dit nie noodwendig net aan een bepaalde opleidingssentrum behoort te geskied nie.
7.2 REGLEMENTWYSIGING
Ten opsigte van residensie bepaal Reglement 14, par 4.2.4 die volgende: Die NG Kerk vereis dat persone
wat toegelaat wil word tot die bediening ten minste die laaste drie jaar van die opleiding voltyds aan een
van die kerklik-erkende opleidingsentra moet voltooi. In hoogs uitsonderlike gevalle kan die kuratorium
diskresie toepas met verantwoording aan AKTO.
AKTO versoek dat hierdie bepaling groter vryheid gee vir tweede loopbaan studente. Hierdie is n
aangeleentheid waarby AKTO van die begin af n groter rol moet speel.
AKTO stel voor dat die betrokke paragraaf verander word om te lui:
Die NG Kerk vereis dat persone wat toegelaat wil word tot die bediening ten minste die laaste drie jaar van
die opleiding voltyds aan een van die kerklik-erkende opleidingsentra moet voltooi. In die geval van tweede
loopbaan studente en ander hoogs uitsonderlike gevalle kan AKTO, op voorlegging van n kuratorium,
hiervan afstand doen.
7.3 AANBEVELING: TWEEDE LOOPBAAN-STUDENTE
Die Algemene Sinode verander par. 4.2.4 van Reglement 4 om te lui:
Die NG Kerk vereis dat persone wat toegelaat wil word tot die bediening ten minste die laaste drie
jaar van die opleiding voltyds aan een van die kerklik-erkende opleidingsentra moet voltooi. In die
geval van tweede loopbaan studente en ander hoogs uitsonderlike gevalle kan AKTO, op
voorlegging van n kuratorium, hiervan afstand doen.
8. ALTERNATIEWE BANE
8.1 AGTERGROND
AKTO het onder andere bespreking gevoer oor die beskrywing van Artikel 9 van die Kerkorde.
Hierbenewens is daar groot begrip vir die feit dat daar alternatiewe bane van opleiding moet wees - ook n
bepaalde aansluiting en ooreenstemming insake sake soos die opleiding van jeugwerkers. Daarbenewens
moet aandag gegee word aan die opleiding van dowe lidmate as predikante.
8.2 AANBEVELING: ALTERNATIEWE BANE
Die Algemene Sinode versoek AKTO en die ATR om voort te gaan en moontlike alternatiewe bane
van opleiding te ondersoek en daaroor met die Familie van NG Kerke in gesprek te bly.
9. GRAADSTRUKTUUR
9.1 AGTERGROND
AKTO was die afgelope paar jaar gereeld op hoogte gehou met die vordering / nie vordering aan die
graadstuktuur soos wat dit voorgestel is deur die SGB (Standarized Generating Body) vir teologiese
opleiding. Hieraan het verskillende rolspelers meegewerk soos SACTE (South African Council for
Theological Education), FUTE (Forum for University Theological Education). Hierbenewens word sake
gekontroleer deur SAKO (Suid-Afrikaanse Kwalifiserings Owerheid) en die Raad op Hoër Onderwys.
ÌÎÓ