hvítabók • fylgibind 2 fyrisiting - Løgmansskrivstovan

Kapittul 5
5. Millumlandasáttmálar
Løgmansskrivstovan · 101
Um lóggávu er at siga, at tá ið uttanríkismál koma undir føroyskt
málsræði, fara allir millumlandasáttmálar úr gildið fyri Føroyar í somu
løtu, sum Føroyar verða skipaðar sum land við fullveldi. Undantiknir
eru tó fullveldissáttmálin og marknasáttmálar.
Sambært galdandi millumtjóða rætti kunnu føroyskir myndugleikar
í hvørjum einstøkum føri gera av, hvør av galdandi sáttmálum skal
verða settur í gildi aftur fyri Føroyar. Her er tó at hava í huga, at lóg,
ið er sett í gildi fyri Føroyar, í sambandi við at millumlandasáttmáli
er lýstur at galda her, verður ikki ávirkað.
Millumtjóða sáttmálar á umsitingarøkinum hjá Løgmansskrivstovuni
Niðanfyristandandi upplýsingar eru grundaðar á upplýsingar úr lógarskránni
fyri Føroyar 1998 – „Lovregister for Færøerne 1998.”
Lógarskráin fevnir neyvan um allar lógir, serstakliga ikki tíðina undan
heimastýrinum. Aftan á heimastýrið má verða hildið, at hon fevnir um
allar sáttmálar, sum ríkisumboðið hevur lagt fyri heimastýrið. Fyrivarni
má verða tikið fyri, at tað er ikki heilt vist, at allir sáttmálar hava verið
lagdir fyri heimastýrið, hóast heitið sigir so. Tað kann t.d. vera tí, at
galdandi lóggáva fevnir um meira enn orðaljóðið í sáttmálanum, men
eisini tí, at framløgan hevur ikki verið í samsvari við heimastýrislógina.
Í tí føri er sáttmálin ikki í gildi fyri Føroyar, men hetta er ein spurningur
millum ríkismyndugleikarnar og heimastýrið. Mótvegis útlondum eru
ásetingarnar í sáttmálanum eisini í gildi fyri Føroyar.
Fólkaskráseting
1982 1/6: T.101 01.11.-90 Nordisk konvention om folkeregistrering
C.145 18/6-70 Optagelse i den internordiske
flytteordning
Arvur og skifti
1935 30/3: L.88 Nordisk konvention 1934 om arv og
dødsboskifte