hvítabók • fylgibind 2 fyrisiting - Løgmansskrivstovan

78 · Hvítabók – Fylgibind 2
fara at krevja 32 starvsfólk til samans, verða tey 16, sum fara at
starvast heima. Sambært hesi ætlan verður uttanríkistænasta Føroya
sostatt mannað við 48 starvsfólkum til samans.
Tey sekstan starvsfólkini í uttanríkisdeildini kundu hóskandi verið
býtt soleiðis.
✓ Leiðsla og skrivari: tvey fólk
✓ Politisk mál: fýra fólk
✓ Viðskiftamál: fimm fólk
✓ Tilfeingismál: trý fólk
✓ Umboðanarmál: tvey fólk
Allur kostnaðurin fyri tey sekstan fólkini, ið skulu starvast heima,
verður sambært áðurnevndu kostnaðarætlan um leið átta milliónir
krónur. Harafturat verða um leið fýra milliónir krónur til umboðan
og keyp av sertænastum uttanlands.
Árligur heildarkostnaður fyri rakstur av føroyskari uttanríkistænastu:
Uttanríkisdeild 12 mió. kr.
Sendistovur og umboðsstovur 32 mió. kr.
Limagjøld 13 mió. kr.
Til samans 57 mió. kr.
Uttanlandsdeild í 1999 5 mió. kr.
Sendistovur og umboðsstovur í 1999 4 mió. kr.
Limagjøld í 1999 1 mió. kr.
Til samans í 1999 10 mió. kr.
Eykafíggjartørvur 47 mió. kr.
Eykafíggjartørvurin er munurin millum útreiðslur Føroya til uttanríkismál
í 1999 og árligu útreiðslurnar av eini fullmentari føroyskari
uttanríkistænastu, ið einsamøll umsitur uttanríkismál Føroya.
Búskaparlig árin av eini føroyskari uttanríkistænastu
Sum heild er at siga, at skipanin av Føroyum sum fullveldi við egnari
uttanríkistænastu fer at hava við sær árin á tann føroyska búskapin.
Sum omanfyri umrøtt, kann ein fult útbygd, føroysk uttanlandstænasta
fara at økja um útreiðslurnar á fíggjarløgtingslógini við 47
milliónum krónum.
Hóast ein føroysk uttanríkistænasta fer at kosta á fíggjarløgtingslógini,
so eigur at verða havt í huga, at ein føroysk uttanríkistænasta