hvítabók • fylgibind 2 fyrisiting - Løgmansskrivstovan

Almanna- og heilsumálastýrið · 331
– K. nr. 123 frá 20.06.1997 um flutnings- og ferðaendurgjald til
sjúklingar uttanlands, broytt við K. nr. 147 frá 12.11.1997.
3. Fíggjarlig ábyrgd
Donsku myndugleikarnir hava við ríkislóg latið føroyska heimastýrinum
útreiðsluskylduna sambært hesi lóg. Sum endurgjald fyri at
rinda útreiðslurnar, fær heimastýrið blokkstuðul.
Kommunulæknaskipanin
Lov nr. 88 af 21.4.1914, jfr. Lb. nr. 239 af 29.08.1927 om kommunal
lægehjælp og tingmál nr. 75/1998: uppskot til løgtingslóg um
kommunulæknaskipan.
1. Fyrisitingarligir myndugleikar og uppgávur
Fyrisitingarligir myndugleikar eru kommunurnar, Innanríkisráðið og
Kommunulæknaráðið.
Uppgávan hjá kommununum er at syrgja fyri, at fólk, ið hevur tørv
á læknahjálp, skal fáa hesa læknahjáp sambært lógini.
Uppgávan hjá innanríkisráðharranum er at seta eitt kommunulæknaráð,
sum skal vera meklari ímillum læknar og kommunur viðv.
kommunulæknahjálp. Bæði kommunur og læknar kunnu leggja mál
fyri Kommunulæknaráðið. Í ráðnum eru seks limir. Tríggir teirra skulu
vera praktiserandi læknar, sum danska læknafelagið velur, og hinir
tríggir verða valdir politiskt í Danmark. Tá talan er um flutningstrætur,
verða tveir limir valdir afturat, sum skulu vera ein lækni og ein
limur, sum sjúkratryggingin velur. Limirnir í ráðnum verða valdir fyri
4 ár í senn.
Sambært galdandi lóggávu er fyrisitingarliga høvuðsábyrgdin sostatt
í Danmark. Í royndum hevur tað tó verið Landsstýrið, sum hevur
sett kommunulæknarnar í Føroyum.
Uppskot til løgtingslóg um kommunulæknaskipan
Við nýggja uppskotinum til løgtingslóg um kommunulæknaskipan
verður fyrisitingarliga ábyrgdin flutt frá donskum til føroyskar myndugleikar.
Sambært uppskotinum eru fyrisitingarligu myndugleikarnir landsstýrismaðurin
í heilsumálum og kommunurnar.
Sambært uppskotinum setir landsstýrismaðurin í heilsumálum
kommunulækna í starv. Kommunan útvegar viðtalurúm o.a. Hetta
merkir, at fyrisitingarliga eru einans føroyskir myndugleikar inni í
myndini.
Viðmerkt verður, at sambært aðrari lóggávu er tað Sundheds-