hvítabók • fylgibind 2 fyrisiting - Løgmansskrivstovan

Kapittul 4
Løgmansskrivstovan · 99
4. Á hesum økjum verða samstarvsavtalur gjørdar
Alment kann verða sagt, at mælt verður til, at Føroya landsstýri fær í
lag samstarv í eini skiftistíð á øllum økjum, sum frammanfyri eru
nevnd. Hetta, tí mett verður, at tørvur er á hesum samstarvi, so at
økini kunnu verða ment so við og við til tess at fáa bestu úrslit.
Tó verður mett, at tað serliga er á tveimum høvuðsøkjum, at tørvur
verður á samstarvsavtalum í eitt longri áramál. Hesi økini eru
uttanlandsmál og løgregla og fútaembætið.
Uttanlandsmál
Við støði í uppskotinum, sum lýst er í kap. 3.1 um eina føroyska
uttanríkistænastu verður í fyrstu syftu einans tørvur á framhaldandi
samstarvi um ræðismál – (sendimenn). Tørvurin fer tó at minka so
hvørt, sum føroyska uttanríkistænastan fær í lag eina skipan við føroyskum
ræðismonnum, (sendimonnum), kring heimin. Nevnt skal
verða, at slíkar skipanir vanliga ikki bera við sær útreiðslur. Tó kunnu
í einstøkum førum verða útreiðslur av ítøkiligum málum.
Í fullveldissáttmálanum við Danmark mugu verða ásetingar um
fyrisitingarligt samstarv á uttanríkispolitiska økinum millum avvarðandi
myndugleikar í Føroyum og Danmark í eini skiftistíð upp á um
leið 10-20 ár, alt eftir, hvussu skjótt føroyska uttanríkistænastan verður
útbygd.
Av tí at ein fult útbygd føroysk uttanríkistænasta fer at krevja 36
fólk aftur at teim núverandi 12, er greitt, at fólk mugu útbúgvast,
setast í starv og eftirútbúgvast. Tað verður helst trupult at seta fleiri
enn trý ella fýra fólk um árið. Av tí at vit kunnu rokna við einum
ávísum fráfalli, kunnu 10-15 ár fara at ganga, áðrenn føroyska uttanríkistænastan
verður fullmannað.
Føroya landsstýri eigur tí at fáa í lag semjur við fleiri lond um at
læra upp starvsfólk í føroysku uttanríkistænastuni til tess at menna
førleika teirra sum sendifólk.
Løgregla og ákæruvald
Løgreglan og ákæruvaldið er eitt stórt og samansett virkisøki og mett
verður at neyðugt er at gera samstarvsavtalur á hesum økjum: