hvítabók • fylgibind 2 fyrisiting - Løgmansskrivstovan

Vinnumálastýrið · 199
Konvention om undersøiske telegrafkablers beskyttelse af 18. nov 1885.
Her skulu Føroyar boða frá, at tær taka undir við sáttmálunum. Hesir
sáttmálar hava ongar beinleiðis útreiðslur við sær.
ITU’s konstitution, konvention og fakultative protokol fra 22. december
1992
Hesin sáttmálin setir karmar fyri alheims fjarskiftisfelagsskapin ITU,
sum flest øll heimins lond eru við í. Felagsskapurin leggur rammurnar
fyri, hvussu alheims frekvensspektrið verður sundurlutað, er við til at
menna og gera rammur fyri nýggjum tænastum og ásetir annars standardir
o.s.fr. Tað er eyðsæð, at Føroyar, við okkara fyritreytum, fólkatali,
vinnu og landafrøðiligu viðurskiftiunum, ikki hava tey heilt stóru
hjartamálini her. Tó er greitt, at neyðugt er at verða limur í felagsskapinum
fyri at kunna fylgja við í menningini. Úr Íslandi skilja vit,
at har verður valt frá sak til sak, um tað ávirkar teir, og teir tí vilja vera
við. Annars er vanligt, at Norðurlond samstarva um hesi viðurskiftini,
soleiðis at eitt av størru Norðurlondunum fær fulltrú frá hinum.
Ein minstamarks limaskapur í ITU, umframt í økisfelagsskapunum
CEPT (Commitee Europenne de Post et Telegraph), ERC (European
Radiocommunication Committee) og ECTRA (European Committee
for Telecommunication Regulatory Affairs), kemur at kostað um
leið 1/8 Unit, svarandi til um leið 150.000 um árið, umframt luttøku
á fundum o.s.fr. Luttøkan á fundum kann verða hildin innan fyri verandi
fíggjarkarmar hjá Fjarskiftiseftirlitinum, ið er inntøkufíggjað
virksemi.
IMO-sáttmálin (sí meira undir útgreiningunum hjá Fiskimálastýrinum).
IMO, (International Maretime Organisation), er altjóða havfelagsskapur
undir ST. Ein av nevndunum hjá IMO er Maritime Safety
Committee, ið m.a tekur sær av Radiocommunications and Search
and Rescue, (COMSAR).
Hetta er tað, ið nevnt verður radiogrundað neyð- og trygdartænasta
á havinum. Hesa tænastu rindar Tele Danmark A/S fyri sum part av
teirra veitingarskyldu, men sjálva tænastuna rekur Føroya tele, ið fær
um leið 6 mió. árliga fyri hetta. Menningin á økinum er stór, og alt
meira verður farið yvir til at nýta GMDSS trygdarútgerð, ið fer yvir
fylgisvein, sum verður rikin av fylgisveinasamtøkum, og tískil verður
goldin av einstaka brúkaranum. Tó er sannlíkt, at tænastan verður
veitt eini 10 ár afturat, men ikki er óhugsandi, at tað kundi verðið
gjørt fyri eina minni upphædd. Gjaldið fyri limaskap í IMO verður
sett eftir, hvussu nógv bruttoregistartons handilsflotin hjá hvørjum