hvítabók • fylgibind 2 fyrisiting - Løgmansskrivstovan

19 – Hvítabók – Fylgibind 2
Almanna- og heilsumálastýrið · 289
hava í Føroyum, og er embætismaður hjá Sundhedsstyrelsen í Føroyum.
Umframt at hava eftirlit við heilsustarvsfólki, skal landslæknin
eisini halda seg kunnaðan um viðgerðir, sum ikki eru góðkendar í Føroyum.
Heldur landslæknin tað vera neyðugt at seta í verk løgreglukanning
av heilsustarvsfólki í Føroyum, skal hann geva Sundhedsstyrelsen
tilmæli um hetta. Heldur landslæknin, at heilsustarvsfólk kann
vera fólki til bága í starvi sínum, skal landslæknin geva Sundhedsstyrelsen
boð um hetta við hjálagdari kanning av viðurskiftunum.
Eftir neyvari ásettum reglum frá Sundhedsstyrelsen skal landslæknin
geva Sundhedsstyrelsen boð um heilsustøðuna í Føroyum, savna
inn og arbeiða við medisinalstatistiskum upplýsingum, gera ársfrágreiðing
um sítt virki, kunna um týðandi umstøður av heilsuligum
týdningi, viðvirka til at myndugleikarnir seta heilsuupplýsandi tiltøk
í verk í Føroyum, virka fyri samstarvi millum teir ymsu heilsustarvsfólkabólkarnar
og vera við til at skipa fyri, at hóskandi heiligvágsgoymslur
eru í Føroyum.
Landslæknin skal bera so í bandi, at fólk, ið arbeiðir við heilivági,
skal geva Sundhedsstyrelsen frágreiðing um virki sítt.
Uppgávan hjá Sundhedsstyrelsen er at áseta neyvari reglur á økinum
í ávísum førum. Annars skal Sundhedsstyrelsen stuðla landslæknanum
í Føroyum í virki hansara, tá ið hetta er gjørligt.
Uppgávan hjá kommununi sambært fyriskipanini og kunngerðunum
er, at hon hevur heimild til at geva forboð fyri at nýta ein dag- ella
samdøgursstovn, um heilsuligar ábøtur ikki verða gjørdar á stovninum
innan eina ávísa tíð, sum kommunan ásetir, ella um tað verður mett at
vera ómøguligt hjá stovninum at gera ábøturnar, ella tá ið álvarsligur
vandi er fyri heilsustøðuni, um stovnurnin heldur áfram at virka.
2. Lóggáva
Økið er felagsmál, men stendur á lista A í heimastýrislógini og kann
tí verða yvirtikið, tá ið føroyska heimastýrið tekur avgerð um hetta.
Lógin er sett í gildi fyri Føroyar við kongligari fyriskipan í 1995.
Danski staturin hevur ábyrgdina av at tilevna lógina og tilhoyrandi
kunngerðir. Kongligu fyriskipanirnar skulu verða samtyktar á Løgtingi
og lýstar í Kunngerðablaðnum fyri at hava gildi fyri Føroyar.
Lógin ásetir í høvuðsdráttum reglur um, hvussu arbeiðið hjá embætislæknum
í Føroyum skal fara fram. Á sama hátt sum góðkenningarlógirnar,
(autorisatiónslógirnar), ásetir lógin reglur, sum krevja
stóra heilsufakliga vitan. Í Grønlandi er landslæknaembætið yvirtikið.
Við heimild í kongligu fyriskipanini eru settar í gildi:
– B. nr. 739 af 11.09.1995 for Færøerne om Landslægens opgaver i
forhold til dag- og døgninstitutioner m.v.