hvítabók • fylgibind 2 fyrisiting - Løgmansskrivstovan

1.16. Niðurstøður
Vinnumálastýrið · 189
Vilja føroyingar yvirtaka raksturin av flogvøllinum í Vágum, hevur
hetta kostnað við sær. Verandi fíggjarætlan hjá SLV vísir eitt rakstrarhall
fyri 1998, áðrenn rentur og avdráttir, upp á – 3,6 mió. kr., sum minka
til – 2,1 mió. kr. ár 2002. Eftir rentur og avskrivingar eru høllini somu
ár ávikavist – 8,9 mió. kr. og – 5,9 mió. kr. Hesar metingar eru gjørdar
út frá galdandi ráðlegging, sum hevur hesar fyritreytir: Løguætlan upp
á í miðal 2,2 mió. kr. um árið, at ferðafólkatalið økist við 5% um árið,
og at flúgvingin fer at økjast við 2,5% fram til ár 2002.
Avtala verður gjørd við SLV, (Ferðslumálaráðið), um framhaldandi at
veita tær tænastur, sum flogvøllurin í Vágum nú rindar SLV fyri, tá
ið loftferðsla verður føroyskt málsøki. Hetta hevur ongan meirkostnað
við sær.
Flogfarið hjá Atlantsflogi og tyrlan hjá Landsstýrinum, sum nú eru
skrásett í donsku tjóðskaparskránni, kunnu í staðin verða skrásett í
Skráseting Føroya og fáa føroysk tjóðskapareyðkenni.
Neyðugt verður at gera samstarvsavtalu við skaðanevndina, (Havarikommissionen
for civil luftfart), soleiðis at hon eisini kannar tilburðir,
um eitt føroyskt skrásett flogfar skuldi verið fyri óhappi. Verður goldið
eftir íbúgvatali, kostar tænastan bert 41 tús. kr. um árið.
Lýsingarnar byggja á, at rættarreglurnar verða óbroyttar, og at umsitið
verður á sama hátt sum nú. Donsk málsøki verða føroysk, um málsræðið
verður flutt til Føroya.
Donsku rættarreglurnar, sum galda fyri Føroyar, kunna verða býttar
í tvey. Ikki yvirtikin málsøki og yvirtikin málsøki, har ávísar rættarreglur
framvegis eru danskar.
Nógvar av donsku rættarreglunum hava ongan praktiskan týdning
í Føroyum. Dømi um hetta er lógin um kjarnorku.
At rættarreglurnar eru á donskum, er eingin trupulleiki. Vit hava
fleiri danskar rættarreglur í gildi í Føroyum frá árunum undan heimastýrinum
og fyri seinni yvirtikin málsøki. Dømi um hetta eru ráevni í
undirgrundini.
Í sambandi við fullveldi kunnu donsku rættarreglurnar verða tillagaðar
til føroysk viðurskifti í teimum førum, har tað er neyðugt.
Eitt umfatandi danskt málsøki er flogferðsla. Um flogferðslu hava
tingingar verið millum danskar og føroyskar myndugleikar um at yvirtaka
flogvøllin, treytað av at danir rinda ávísar útbyggingar áðrenn.
Einki er til hindurs fyri, at føroyskir myndugleikar yvirtaka heimild-