hvítabók • fylgibind 2 fyrisiting - Løgmansskrivstovan

Almanna- og heilsumálastýrið · 327
3. Fíggjarlig ábyrgd
Av tí at talan er um felagsmál, sum bert er yvirtikið við § 9-yvirtøku,
hevur Danmark fíggjarligu ábyrgdina av økinum. Føroyar hava fyrisitingarligu
og fyri ein part lóggevandi ábyrgdina av økinum, men
Danmark fíggjar økið. Hetta verður gjørt á tann hátt, at Danmark á
hvørjum ári letur heimastýrinum eina ávísa upphædd í blokkstuðli,
og henda upphædd er fyri ein part ætlað til at fíggja dagpeningaøkið,
(sí „Lov om tilskud til Færøernes hjemmestyre (lov nr. 393 af 22. juni
1993)).“ Hóast dagpeningaøkið er tikið við á føroysku fíggjarlógina,
so er fíggjarliga ábyrgdin sostatt formliga framvegis í Danmark.