hvítabók • fylgibind 2 fyrisiting - Løgmansskrivstovan

Kapittul 2
Vinnumálastýrið · 191
Føroyskar rættarreglur, sum vísa til danskar
myndugleikar
2.1. Fjarskifti
2.2. Arbeiðaravernd
Lýsing av fyrisiting, lóggávu og fígging og krøvum til fyrisiting,
lóggávu og fígging
Summar av føroysku rættarreglunum vísa til danskar myndugleikar.
Hetta er í flestu førum, har føroyskir myndugleikar ikki hava orku til
at umsita umfatandi yvirlit yvir tekniskar standardir o.tíl., sum í flestu
førum stava frá altjóða standardum. Niðanfyri er stutt gjøgnumgongd
av hesum rættarreglum.
Ll. nr. 73 frá 23.05.1997 um fjarskifti.
Fyrisitingarmyndugleikar: Føroyskir myndugleikar, men § 13, stk. 4
vísir til danska Telestyrelsen, tá ið útbúnaður skal verða góðkendur.
Frá apríl 2000 verður lóggávan í EBS broytt, soleiðis at allur útbúnaður
skal hava framleiðaraváttan við CE merking, ið borgar fyri, at
útbúnaðurin lýkur altjóða krøv. Tískil gerst økið sera einfalt at umsita.
Lóggáva: Føroysk lóggáva, sum vísir til danskan myndugleika.
Fíggjarviðurskifti: Føroyar hava ábyrgdina, men økið er inntøkufíggjað.
Brúkarin rindar fyri tænasturnar.
LL. nr. 58 frá 24.05.1974 um arbeiðaravernd, seinast broytt við Ll. nr.
126 frá 21.05.1993.
Kunngerðir, lýstar við heimild í hesi lóg, eru mest danskar og vísa til
danskar myndugleikar.