hvítabók • fylgibind 2 fyrisiting - Løgmansskrivstovan

4.6. Biofar
Undirvísingar- og mentamálastýrið · 237
stovuna, ið liggur í París, tekur Kongliga Bókasavnið sær av – eisini í
føroyskum málum.
Mett verður, at Landsbókasavnið lættliga kann yvirtaka umsitingina
á hesum økinum, og hetta fer ikki at hava fíggjarligar avleiðingar av
týdningi.
Føroya Landsbókasavn
Føroya landsbókasavn hevur óformligt samstarv við nógvar danskar
stovnar, haðani vit fáa/keypa ráð og tænastur. Afturfyri gevur Føroya
Landsbókasavn ráð og tænastur eftir tørvi. Umframt Kongliga Bókasavnið
og Statsbókasavnið í Århus verður m.a. samstarvað við hesar
donsku stovnar: Dansk Biblioteks Center, Biblioteksstyrelsen, Danmarks
Biblioteksskole, Dansk Blindebibliotek o.fl.
BIOFAR – Zoologisk Museum
BIOFAR hevur avtalu við Zoologisk Museum í Keypmannahavn um,
at tey vísindaliga nýggju dýrini, sum verða funnin, skulu verða latin
teimum í varðveitslu.
Skal henda varðveitsla verða flutt á føroyskan stovn, krevur tað, at
starvsfólk verður sett at røkja tílíkt savn og at hóskandi høli verða
funnin til hetta. Dýrini skulu tó ikki latast Biofar-royndarstovuni,
men Føroya Náttúrugripasavni í varðveitslu.
4.7. Føroya Landsskjalasavn
Føroya Landsskjalasavn – Statens Arkiver
Høvuðssamstarvsstovnar í Danmark eru Statens Arkiver, sum fevna
um Rigsarkivet og tey fýra landsarkivienie. Allir stovnarnir eru undir
danska Mentamálastýrinum. Landsstýrið hevur gjørt avtalu við
danska Forsætismálaráðið, undirritað ávikavist 30.03.1990 og
12.10.1990. Landsskjalasavnið er við hesi avtalu altíð bundið at halda
galdandi danskar reglur fyri skjalasøvn ríkisins í Føroyum. Annars
tryggjar avtalan, at skjølini hjá øllum ríkisstovnum, uttan hernaðarstovnum,
verða varðveitt í Føroyum á Landsskjalasavninum. Hetta
hevur søguvísindaligan týding, av tí at hesi skjøl eru týðandi keldur
til Føroya søgu.
Landsskjalasavnið hevur týðandi samstarv við samstarvstovnarnar,
og heldur seg til teirra vegleiðingar, krøv og siðvenju.
Tað verður neyðugt at endurskoða skjalasavnsavtaluna í sambandi
við møguligt fullveldi. Aðalsamráðingar mugu fara fram um tey savnindi,
sum viðvíkja Føroyum, sum hava danskan uppruna, men sum