hvítabók • fylgibind 2 fyrisiting - Løgmansskrivstovan

236 · Hvítabók – Fylgibind 2
leggingini varð lógin um DGU tikin av. Nýggja lógin við viðmerkingum
nevnir einki um Føroyar.
Formliga sambandið, ið nú er við GEUS verður lýst niðanfyri:
GEUS er skipað av einum 13-manna stýri, útnevnt av danska Umhvørvis-
og Orkumálaráðnum. Ein av limunum verður útnevndur av
Føroya Landsstýri. Í verandi 4-ára skeiði, ið rennur út ár 2001, er
Martin V. Heinesen stýrislimur,og Árni Olafsson er varalimur.
Ein 5-manna stýrisbólkur er settur at viðgera og góðkenna stevnumiðini
fyri virksemið, sum fatar um Føroyar. Tríggir føroyskir limir
eru í stýrisbólkinum.
Karmarnir um virksemið hjá GEUS, sum viðvíkja Føroyum, eru
ásettir í samstarvsavtaluni frá 1994, sum eisini setir karmarnar um
ábyrgdarbýtið millum JFS og GEUS.
Ætlanin er, at ein kunngerð skal setast í gildi fyri GEUS. Við
støði í økisgranskingarlógini (granskingardeildarlógini) skal hon
útgreina arbeiðsøkið hjá GEUS neyvari í síni heild. Eftir áheitan
frá danska Umhvørvis- og Orkumálastýrinum hevur landsstýrið
(Undirvísingar- og mentamálastýrið) nýliga gjørt viðmerkingar til
málið. Stýrið mælir í sínum svarskrivi frá, at okkurt serstakt
verður sett í kunngerðina um virksemið hjá GEUS, sum viðvíkur
Føroyum, og mælir heldur til, at rúm verður givið í sjálvari lógini
fyri, at serstakar samstavsavtalur kunnu gerast millum landsstýrið
og donsku stovnarnar, ið lógin fatar um. Nýggj donsk kunngerð
er í umbúna hesum viðvíkjandi, har Føroyar verða nevndar í §
10.
Fígging
Jarðfrøðiliga arbeiðið í GEUS, Føroyum viðvíkjandi, verður partvís
fíggjað av almennu donsku fíggjarjáttanini, partvís av inntøkugevandi
virksemi og partvís úr Føroyum.
4.5. Føroya Landsbókasavn
Føroya Landsbókasavn – Kongliga Bókasavnið
Síðani 1995 hevur Føroya Landsbókasavn umsitið føroyska partin av
teimum báðum altjóða skrásetingarskipanunum ISBN og ISSN. Her
skal leggjast afturat, at ISBN-skipanin, sum fevnir um bókaskráseting,
verður umsitin av Føroya Landsbókasavni einsamøllum við beinleiðis
sambandi til høvuðsskrivstovuna í Berlin, meðan ISSN-skipanin, ið er
skráseting av tíðarritum, verður umsitin av Kongliga Bókasavninum
og Føroya Landsbókasavni í felag. Sambandinum við høvuðsskriv-