hvítabók • fylgibind 2 fyrisiting - Løgmansskrivstovan

220 · Hvítabók – Fylgibind 2
Føroyskar lógir, sum hava heimild í hesi lóg, eru:
• Ll. nr. 106 um yrkisskúlar frá 29. desember 1998
• Ll. nr. 107 frá 29. desember 1998 um støðisútbúgving á fyrisitingar-,
handils- og skrivstovuøkinum
• Ll. nr. 127 frá 21. mai 1993 um hægri handilsútbúgving
• Ll. nr. 47 frá 28. apríl 1992 um støðisútbúgving í tøkni
• Ll. nr. 129 frá 21. mai 1993 um hægri tøkniliga útbúgving
• Ll. nr. 50 frá 28. apríl 1992 um maskinmeistaraútbúgving og aðrar
maskin- og eltøkniútbúgvingar
Uppskot til løgtingslóg um støðisútbúgving í tøkni, (SIT-útbúgvingar),
uppskot til løgtingslóg um hægri, tøkniliga próvtøku, (HT-útbúgving),
og uppskot til løgtingslóg um hægri handilspróvtøku, (HH-útbúgving),
frá 5. mars 1999 hava somuleiðis heimild í rammulógini.
Fyrisiting
Donsku ríkismyndugleikarnir hava ábyrgd av hesi lóg.
Tað verður ikki mett, at fullveldi fer at hava nakra fyrisitingarliga
ávirkan á hetta økið. Málsøkið er fyrisitingarliga yvirtikið, og hóast
rammulógin eftir fullveldi fer úr gildi, eiga løgtingslógir við heimild í
hesi lóg framhaldandi at vera í gildi.
Fígging
Sambært § 9 í heimastýrislógini hava danir fíggjarligu ábyrgdina á
økinum. Danir hava tó við ríkislóg latið føroyska heimastýrinum upp
í hendi skylduna til at rinda útreiðslurnar á økinum. Fyri hetta fær
heimastýrið blokkstuðul.
1.9. Læraraútbúgving
L. nr. 52 af 14.02.1979 for Færøerne om læreruddannelsen, som sat i
kraft ved B. nr. 71 af 01.03.1984.
Lóggáva
Lógin er ein rammulóg, sum er sett í gildi av tí, at fyrisitingin av
undirvísingarverkinum er yvirtikin sambært § 9 í heimastýrislógini.
Lógin ásetur m.a., at endamálið við Føroya Læraraskúla er at
útbúgva lærarar til fólkaskúlan. Útbúgvingin skal eisini mynda støðið
undir undirvísing á øðrum skúlum.
Útbúgvingarnar á Føroya Læraraskúla kunnu verða skipaðar, sum
leiðslan í Føroyum vil tað, men útbúgvingarnar skulu verða á sama