hvítabók • fylgibind 2 fyrisiting - Løgmansskrivstovan

1.2. Fjølmiðlaábyrgd
Undirvísingar- og mentamálastýrið · 215
Eftir nýggju fjølmiðlalógini eru somu ábyrgdarreglur galdandi fyri allar
fjølmiðlar, bæði fyri revsing og endurgjaldsábyrgd. Eftir nýggju lógini
er somuleiðis álagt fjølmiðlunum at nýta góðan fjølmiðlasið, t.e.
at vísa etiska ábyrgd. Klagur um ikki at hava hildið etiskar reglur
kunnu eisini verða kærdar til fjølmiðlanevndina.
Í 1996 varð uppskot um ríkislógartilmæli lagt fyri løgtingið um
nýggja fjølmiðlaábyrgdarlóg (løgtingsmál nr. 82/1996). Uppskotið
varð samtykt, og verður nú bíðað eftir, at ríkislógartilmælið kemur
aftur úr Danmark. Í donsku fjølmiðlaábyrgdarlógini stendur í § 55,
stk. 2, at lóg nr. 147 frá 13. apríl 1938 om pressens brug fer úr gildi.
Tá ið lógin um fjølmiðlaábyrgd kemur í gildi í Føroyum, verður
henda lóg sett úr gildi.
Fyrisiting
Tað danska Løgmálaráðið velur teir tríggjar limirnar í „berigtigelsesnævnet”.
Bøtur, sum verða dømdar eftir hesari lóg, verða goldnar í
danska statskassan, og mál um lógarbrot verða viðgjørd sum løgreglumál.
Umframt hetta stendur einki í lógini um, hvør fyrisitingarmyndugleikin
er.
Fígging
Í viðmerkingunum til fjølmiðlaábyrgdarlógina stendur, at uppskotið
kostar einki fyri landskassan, og grundað á hetta, verður ikki mett, at
málið kostar nakað.
L. nr. 348 af 06.06.1991 om medieansvar við seinni broytingum er samtykt
í Løgtinginum, men er í løtuni í danska Løgmálaráðnum. Lógin skal
avloysa L. nr. 147 af 13.04.1938 om pressens brug.
Í 1996 varð uppskot um ríkislógartilmæli lagt fyri løgtingið um
nýggja fjølmiðlaábyrgdarlóg (løgtingsmál nr. 82/1996). Uppskotið
varð samtykt, og verður nú bíðað eftir, at ríkislógartilmælið kemur
aftur úr Danmark.
Lóggáva
Eftir nýggju fjølmiðlalógini eru somu ábygdarreglur galdandi fyri allar
fjølmiðlar, bæði fyri revsing og endurgjaldsábyrgd. Eftir nýggju lógini
er álagt fjølmiðlunum at nýta góðan fjølmiðlasið, t.e. at vísa etiska
ábyrgd. Klagur, um ikki at hava hildið etiskar reglur, kunnu eisini
verða kærdar til fjølmiðlanevndina.