hvítabók • fylgibind 2 fyrisiting - Løgmansskrivstovan

Løgmansskrivstovan · 63
hevur føroyska skrásetingareftirlitið ávísar heimildir í føroyku lógini
at krevja ríkismyndugleikar í Føroyum eftir upplýsingum.
Fullveldi ger, at danska lógin, ið er sett í gildi fyri ríkismyndugleikar
í Føroyum, verður sett úr gildi.
Fyrisitingarliga og fíggjarliga verða ongar broytingar av, at málsøkið
burturav kemur undir føroyskt málsræði.
Niðurstøða:
Ríkismyndugleikarnir hava lóggávuheimildina á økinum „ríkislóggáva.“
Tá ið ríkislóggáva verður sett í gildi í Føroyum, verður málið
sent heimastýrinum til ummælis sambært heimastýrislógini § 7.
Áheitanin um at seta ríkislóggávu í gildi kemur í alra flestu førum
frá ríkismyndugleikunum, men kann eisini koma frá heimastýrinum.
Tá ið undantikið er málsøkið „grundlógin, Fólkatingið, umboðsmaður
Fólkatingsins, ríkisarvingalógin, ríkisborgararættur, ríkismyndugleikar,
útlendingar og pass,“ so setir fullveldi ikki serlig krøv
til lóggávu, annað enn nakrar smávegis lógarbroytingar á sivilrættarliga
økinum.
Á sivilrættarliga økinum verður mett, at fimm ársverk kunnu umsita
økið. Hetta kostar 1,5 mió. kr. um árið.
Einum ávísum umsitingararbeiði má eisini roknast við av at týða
lóggávuna til føroyskt. Hetta er tó ikki neyðugt fyri tað, um økið
kemur undir føroyskt málsræði, men ynskiligt er í longdini, at øll lóggáva
verður orðað á føroyskum.
Tað ber illa til at meta um lóggávuarbeiðið og fyrisitingarligu og
fíggjarligu avleiðingarnar á málsøkinum, „grundlóg, Fólkating, umboðsmaður
Fólkatingsins, ríkisarvingalógin, ríkisborgararættur, ríkismyndugleikar
útlendingar og pass,“ fyrr enn sáttmálin, ið skal gerast
millum Føroyar og Danmark, er gjørdur. Men meginparturin av
arbeiðinum, sum kemur undir nevnda málsøki, hoyrir til arbeiðssetningin
hjá grundlógarnevndini.
Sjálvt um heimastýrið ummælir mál sambært útlendingalógini, so
kann ikki sigast, at skipanin, sum er, kostar heimastýrinum nakað.
Um so verður, at føroyingar fáa serligan heimarætt og serliga útlendingalóggávu,
so skal økið umsitast. Hvussu stór henda umsiting
verður, ber illa til at meta um, tí tað hevur ikki verið møguligt at
fingið upplýst, hvussu nógva orku Útlendingastýrið brúkar til mál, ið
viðvíkja Føroyum, men færri enn 4 ársverk kunnu neyvan umsita
skipanina.
At ríkislóggávan, ið her er viðgjørd, kemur undir føroyskt málsræði,
kemur at seta nýggj krøv til løgdeildina.
Neyðugt verður tí at fáa meiri arbeiðsorku á løgdeildini og at
menna hana fakliga, soleiðis at hon eisini í framtíðini kann fylgja