hvítabók • fylgibind 2 fyrisiting - Løgmansskrivstovan

228 · Hvítabók – Fylgibind 2
Føroyska skúlaverkið nýtir danskar lærugreinaráðgevar til ráðgeving,
yrkisskeið, eftirkanning av pensaskjølum o. a. Útreiðslur til ferðing
og uppihald hjá lærugreinaráðgevum í sambandi við skeið verða
goldnar av føroyska skúlaverkinum. Alt annað er ókeypis.
Føroyskir lærarar kunnu taka námsfrøðiliga útbúgving í Danmark,
har teir ókeypis kunnu luttaka á almennu og yrkisástøðiligu skeiðini,
sum Uddannelsesstyrelsen skipar fyri. Tann verkligi parturin fer fram
á donskum studentaskúla, og føroyska skúlaverkið rindar útreiðslurnar
til vegleiðara og løn til læraran, meðan hann er í Danmark.
Lóggáva um próvtøkuviðurskifti er reint føroyskt málsøki. Einki er
ásett um, at føroyska skúlaverkið skal býta um próvdómarar ella nýta
danskar próvtøkuuppgávur, men hetta verður gjørt eftir avtalum millum
danska Undirvísingarmálaráðið og Undirvísingar- og mentamálastýrið.
Tað er sostatt eingin treyt, at slíkar avtalur eru um próvtøkur,
men tær eru grundarlagið undir at taka føroyskar næmingar upp til
danskar útbúgvingar á jøvnum føti við danskar næmingar.
Hægri Handilsútbúgving
Avtala millum Uddannelsesstyrelsen og Undirvísingar- og mentamálastýrið
snýr seg um umbýti av próvdómarum til munnligu próvtøkuna.
Viðvíkjandi umbýti av próvdómarum til munnligu próvtøkuna
verður mett, at tað er gagnligt fyri ta fakligu menningina, at føroyskir
próvdómarar fáa royndir í øðrum høpi og at danskir próvdómarar
koma til Føroya. Tað fakliga umhvørvið í Føroyum er lítið, og tað
hevur tí stóran týdning, at lærarar í Føroyum fáa høvi at læra av
royndum hjá starvsfeløgum í øðrum londum. Útreiðslur til ferðing og
uppihald hjá føroyskum próvdómarum í Danmark og hjá donskum
próvdómarum í Føroyum verða goldnar av føroyska skúlaverkinum.
Lóggáva um próvtøkuviðurskifti er reint føroyskt málsøki. Einki er
ásett um, at føroyska skúlaverkið skal býta um próvdómarar, men
hetta verður gjørt eftir avtalum millum danska Undirvísingarmálaráðið
og Undirvísingar- og mentamálastýrið. Tað er sostatt eingin
treyt, at slíkar avtalur eru um próvtøkur, men tær eru grundarlagið
undir at taka føroyskar næmingar upp til danskar útbúgvingar á jøvnum
føti við danskar næmingar.
Útbúgvingar á Føroya Sjómansskúla og Maskinmeistaraskúlanum
Avtala er millum Søfartsstyrelsen og Undirvísingar- og mentamálastýrið
um útbúgvingarnar á Føroya Sjómansskúla og Maskinmeistaraskúlanum.
Henda avtala snýr seg fyrst og fremst um danska góðkenning
av føroyskum prógvum, soleiðis at føroysk prógv verða altjóða
viðurkend. Søfartsstyrelsen tryggjar IMO, (International Maritime