hvítabók • fylgibind 2 fyrisiting - Løgmansskrivstovan

4.9. Ferðavinnumál
4.10. Niðurstøður
Vinnumálastýrið · 207
Ferðaráð Føroya
Formligt samstarv
Danmarks Turistrråd: Avtala er við Danmarks Turistråd um marknaðarføring
og messuluttøku. Avtalan kostar 241 tús. kr. um árið. Avtalan
hevur við sær, at Føroyar fáa fría útbreiðslu av høvuðsfaldara,
og at Føroyar verða profileraðar í faldara hjá Danmarks Turistråd. DT
samskipar eisini føroyska luttøku á WTM-messuni í London.
Óformligt samstarv
Einki
Lýsingin av formliga og óformliga samstarvinum hevur tikið støði í
samstarvinum millum føroyskar og danskar stovnar.
Grundleggjandi byggir meginparturin av samstarvinum á tey
starvssambond, sum fólk í føroysku og donsku umsitingini hava. Harafturat
hava føroyskir stovnar nógv samskifti ígjøgnum norðurlendska
samstarvið, har føroyskir og aðrir samsvarandi stovnar hittast.
Samstarvið, sum nú er, hevur stóran týdning fyri føroysku stovnarnar.
Danskir stovnar veita teimum føroysku nógva, fakliga hjálp,
sum er ring at kostnaðarmeta. Meginparturin av samstarvinum er
óformligt, t.e. ikki lýst í nakrari avtalu millum Føroya og Danmarkar.
Tað er umráðandi, at hetta samstarv heldur fram, hóast ríkisrættarliga
støðan millum londini verður broytt. Samstarvinum eigur tí at verða
tryggjað eitt framhald í einum protokollati millum londini í sambandi
við samráðingar.