hvítabók • fylgibind 2 fyrisiting - Løgmansskrivstovan

Kapittul 4
Formligt og óformligt samstarv millum
føroyskar og danskar myndugleikar
Vinnumálastýrið · 201
Lýsing av fyrisiting, lóggávu og fígging og krøvum til fyrisiting,
lóggávu og fígging
Stovnar undir Vinnumálastýrinum hava lýst samstarv, sum teir hava
við danskar myndugleikar og stovnar. Talan er bæði um formligt samstarv,
t.e. skrivliga avtalað millum partarnar, og óformligt samstarv, t.e.
munnliga avtalað millum partarnar.
4.1. Matvøru- og umhvørvismál
Heilsufrøðiliga starvsstovan
1. Formligt samstarv
Lov om erhvervsfremme
Kemisku kanningarstovurnar verða løggildar, (akkrediteraðar), við
heimild í donsku vinnuframalógini, sum er sett í gildi fyri Føroyar.
Danskur stovnur, nevndur DANAK, fremur hesa løggildan, og kostar
hetta árliga 70.000 kr. Verður hetta føroyskt, er neyðugt, at onkur í
Føroyum hevur umsitingina av hesum. Í Íslandi hevur Løggildingarstovan
hesa heimild, og arbeiðir hon í tøttum samstarvi við SWE-
DAC í Svøríki. Mett verður, at eykakostnaðurin av at fáa løggildanina
undir føroyskt málsræði verður uml. 50.000 kr. um árið.
2. Óformligt samstarv
Heilsufrøðiliga starvsstovan hevur nógv, óformligt samstarv við
danskar stovnar. M.a. hesar:
Miljøstyrelsen við tilhoyrandi stovnum
Veteriner- og fødevaredirektøratet
Dansk Polacenter
DMU (Danmarks miljøundersøgelser)
Í fakligum fyrispurningum og fakligum uppgávum, sum vit ikki
megna at greiða sjálvi, fæst hjálp og vegleiðing frá hesum stovnum.
Ilt er at siga, hvat samstarvið er vert í krónum, men tað hevur ómeta-