hvítabók • fylgibind 2 fyrisiting - Løgmansskrivstovan

328 · Hvítabók – Fylgibind 2
Kapittul 5
Rammulógin um heilsuverkið í Føroyum, við
útfyllandi lóggávu
Rammulógin um heilsuverkið í Føroyum
L. nr. 316 af 17.05.1995 om sundhedsvæsenet på Færøerne.
Tann 6. apríl 1993 varð avtala gjørd ímillum donsku stjórnina og føroyska
heimastýrið um, at heimastýrið skuldi yvirtaka ávís øki á
heilsuøkinum. Tí varð gjørd nevnda rammulóg, ið áleggur og gevur
føroyska heimastýrinum heimild til at áseta reglur um uppgávur, veitingar
og fyrisiting í heilsuverkinum viðvíkjandi:
1) Sjúkrahúsverki
2) Kommunulæknaskipan
3) Heilsusystraskipan
4) Heimasjúkrasystraskipan
5) Skúlalæknaskipan
6) Tannrøktarskipan
7) Sjúkratrygging
Orðið „rammulóg“ merkir, at føroyska heimastýrið innan fyri ávísar
rammur hevur fingið heimild til at áseta føroyskar reglur. Heimildin
sambært hesi lóg til at áseta reglur verður trongt tulkað, t.e., at hon
umfatar bert tey øki, sum eru nevnd omanfyri. Sum dømi kann verða
nevnt, at heimildin til at gera lóg um sjúkrahúsverkið bert umfatar
lóg um sjálvt sjúkrahúsverkið. Hon fær ikki verið tulkað til at umfata
reglusmíð um t.d. „Patientforsikring“ ella „Patienters rettigheder.“
Hesar lógir mugu enn verða settar í gildi í Føroyum við kongligari
fyriskipan.
Rammulógin ásetir, at tær donsku lógir, ið eru í gildi í Føroyum á
hesum økjum, verða verandi í gildi, til føroyskar løgtingslógir koma í
staðin.
Økini, sum nevnd eru omanfyri, eru yvirtikin við § 9-yvirtøkum.
Tað merkir, at føroyska heimastýrið hevur fingið heimild til at gera