hvítabók • fylgibind 2 fyrisiting - Løgmansskrivstovan

226 · Hvítabók – Fylgibind 2
Kapittul 3
Sáttmálar
Um Føroyar verða fullveldi, eigur at verða hugsað um, í hvønn mun
Føroyar skulu gerast sjálvsstøðugt limaland í teimum ymsu norðurlendsku
og altjóða sáttmálunum (konventiónunum), sum eru galdandi
fyri undirvísing og mentan.
Talið av sáttmálum er sera stórt, og ikki ber til at lýsa hvønn einstakan
sáttmála. Eitt yvirlit yvir teir sáttmálar, sum donsku undirvísingarmyndugleikarnir
hava staðfest, er hjálagt sum fylgiskjal 8.2. Yvirlitið
gevur eina ábending um, hvørjar sáttmálar, talan er um.
Her skal tó verða nevnt, at alneyðugt er hjá Føroyum at gerast limur
í IMO, (International Maritime Organization), og at IMO-sáttmálin
verður settur í gildi fyri Føroyar. Somuleiðis má nýggi sáttmálin
um atgongd til hægri lestur í Norðurlondum verða settur í gildi fyri
Føroyar.
Aðrir sáttmálar eru eisini, sum stýrið mælir til, at Føroyar gerast
partur av. Her verður m.a. hugsað um Helsingforsavtaluna og sáttmálan
um Norðurlendska Mentanargrunnin.
Ilt er at siga, hvat tað fer at kosta at vera við í teimum ymsu sáttmálunum.
Mælt verður til, at kostnaður, fyrimunir og vansar verða lýstir í
sambandi við, at arbeitt verður við seta hesar sáttmálar í gildi fyri
Føroyar.