hvítabók • fylgibind 2 fyrisiting - Løgmansskrivstovan

Undirvísingar- og mentamálastýrið · 221
støði, sum danska útbúgvingin. Bæði lærara- og pedagogútbúgvingarnar
eru javnsettar við danskar útbúgvingar og verða í norðurlondum
mettar eftir teim donsku.
Eftirútbúgving av lærarum, sum antin kann fara fram í Føroyum ella
í Danmark, er eisini heimilað í hesi lóg. Heimastýrið ásetur smb. § 4
neyvari reglur um læraraútbúgvingina og um víðari útbúgving av lærarum.
Reglur um víðari útbúgving í Danmark verða ásettar av danska
undirvísingarmálaráðharranum eftir samráðing við heimastýrið.
Ll. nr. 69 frá 28.05.1980 um læraraútbúgving hevur heimild í L. nr.
52 af 14.02.1979 for Færøerne om læreruddannelsen. Lógin ásetur
endamálið við læraraútbúgvingini og undirvísing í øðrum skúlakørmum.
Lógin fevnir harumframt um upptøkureglur, innihaldið í útbúgvingini,
læraraskúlan, venjingarskúlan, eftirútbúgving av lærarum og
gildiskomu.
Fyrisiting
Myndugleikin, ið hevur ábyrgd av hesi lóg, er danska Undirvísingarmálaráðið.
Undirvísingar- og mentamálastýrið umsitur tær lógir, sum eru settar
í gildi við heimild í hesi lóg. Við fullveldi kann tí ikki væntast meira
umsiting enn í dag.
Tað verður ikki mett, at fullveldið fer at hava nakra fyrisitingarliga
ávirkan á hetta økið. Málsøkið er fyrisitingarliga yvirtikið, og hóast
rammulógin eftir fullveldi fór úr gildi, eiga løgtingslógir við heimild í
hesi lóg framhaldandi at vera í gildi.
Fígging
Sambært § 9 í heimastýrislógini hava danir fíggjarligu ábyrgdina á
økinum. Danir hava tó við ríkislóg latið føroyska heimastýrinum upp
í hendi skylduna til at rinda útreiðslurnar á økinum. Fyri hetta fær
heimastýrið blokkstuðul.
1.10. Upphavsrættur
L. nr. 158 af 31.05.1961 om ophavsretten til litterære og kunstneriske
værker, som ændret ved L. nr. 250 af 12.06.1975. (sambært s. 1041 í
Lógbókini: Broytt við L. nr. 250 frá 12.06.1975, sett í gildi við A. nr.
150 frá 21.03.1988 at galda frá 01.04.1988) Nýggj lóg er komin í gildi
í Danmark síðani. (LBK nr. 706 af 29/09/1998) Lógin verður í løtuni
endurskoðað í fyrisitingini, og arbeitt verður við at gera ríkislógartilmæli
um upphavsrættindalóg.