hvítabók • fylgibind 2 fyrisiting - Løgmansskrivstovan

348 · Hvítabók – Fylgibind 2
leggja út fyri hallið, sum síðani verður líkað út á kommunurnar, alt
eftir hvussu nógvar dagar íbúgvarnir í viðkomandi kommunum hava
verið á heiminum. Hevur kommunan latið beinleiðis studning, verður
hesin tó at mótrokna.
Hvíldarheimið Naina hevur skyldu til at senda Landsstýrinum
fíggjarætlan fyri komandi rakstrarár. Skjótast gjørligt, aftan á at
rakstrarárið er endað, sendir heimið roknskapin til landsstýrismannin
í almanna- og heilsumálum, og saman við honum tær upplýsingar,
sum landsstýrismaðurin í almanna- og heilsumálum krevur. Annars
verður hvíldarheimið rikið av stýrinum fyri heimið, leyst av Landsstýrinum.
Viðtøkur eru fyri hvíldarheimið.
Tiltøk at minka um tubbaksnýtslu
Ll. nr. 94 frá 04.10.1984 um tiltøk at minka um tubbaksnýtsluna.
1. Fyrisitingarligir myndugleikar og uppgávur
Fyrisitingarligir myndugleikar eru landsstýrismaðurin í almanna- og
heilsumálum og Tubbaksráðið.
Uppgávan hjá landsstýrismanninum í almanna- og heilsumálum er
at áseta neyvari reglur á økinum og at seta eitt tubbaksráð við trimum
limum, sum skulu geva landsstýrismanninum ráð í tubbaksspurningum
og geva tilmæli um, hvussu lógin verður framd.
2. Lóggáva
Ætlanin við lógini er at seta í verk tiltøk, sum kunnu minka um skaðarnar,
ið koma av tubbaksnýtslu. Sambært lógini er ikki loyvt at lýsa
við tubbaksvørum í Føroyum, ikki er heldur loyvt at selja ella lata
tubbaksvørur til ung undir 15 ár, og heldur ikki at selja tubbaksvørur,
um hesar ikki er merktar samsvarandi reglum, sum landsstýrismaðurin
ásetir.
Kunngerðir, settar í gildi við heimild í lógini:
– K. nr. 95 frá 08.10.1984 um undantak frá forboði viðvíkjandi
lýsing við tubbaksvørum.
– K. nr. 7 frá 06.03.1985 um ávaringartekstir á tubbaksvørum,
seinast broytt við K. nr. 138 frá 02.10.1992.
– K. nr. 50 frá 09.04.1990 um hámark av tjøru í sigarettum, broytt
við K. nr. 97 frá 13.05.1993.
Lógin er føroysk løgtingslóg.