hvítabók • fylgibind 2 fyrisiting - Løgmansskrivstovan

1.4. Fólkaskúlin
Undirvísingar- og mentamálastýrið · 217
Mett verður ikki, at hetta málið skal yvirtakast, um Føroyar taka fullveldi.
Mælt verður til, at tað við avtalu í framtíðini verður tryggjað føroyingum
rætt til upptøku á danskar sjónleikaraskúlar.
Fígging
Danska kongliga leikhúsið verður fíggjað við stuðli á donsku fíggjarlógini,
og rakstrarætlanin og -játtanin skal góðkennast av danska
mentamálaráðharranum.
L. nr. 51 af 14.02.1979 for Færøerne om folkeskolen.
Lóggáva
Lógin er ein rammulóg, sum er sett í gildi av tí, at fyrisitingin av
undirvísingarverkinum er yvirtikin sambært § 9 í heimastýrislógini.
Lógin sigur m.a., at heimastýrið kann áseta nærri reglur um fólkaskúlan
í Føroyum.
Í § 7 stendur: „Færøernes hjemmestyre fastsætter de nærmere regler om
folkeskolen på Færøerne, herunder om folkeskolens formål og styrelse, om
undervisningens indhold, omfang og tilrettelæggelse samt om undervisningspligtens
opfyldelse”.
Ll. nr. 125 frá 20.06.1997 um fólkaskúlan er sett í gildi við heimild L.
nr. 51 af 14.02.1979 for Færøerne om folkeskolen.
Fyrisiting
Donsku ríkismyndugleikarnir hava ábyrgd av hesi lóg.
Ikki verður mett, at fullveldið fer at fáa nakra fyrisitingarliga ávirkan
á hetta økið. Málsøkið er fyrisitingarliga yvirtikið, og hóast rammulógin
eftir fullveldi fellur burtur, eigur Ll. nr. 125 frá 20.06.1997 um
fólkaskúlan framhaldandi at vera í gildi.
Fígging
Sambært § 9 í heimastýrislógini hava danir fíggjarligu ábyrgdina á
økinum. Danir hava tó við ríkislóg latið føroyska heimastýrinum upp
í hendi skylduna til at rinda útreiðslurnar á økinum. Fyri hesar útreiðslur
fær heimastýrið blokkstuðul.