hvítabók • fylgibind 2 fyrisiting - Løgmansskrivstovan

Skráseting Føroya
Fiskimálastýrið · 169
Víst verður til lýsingina av teimum økjum, har samstarvað verður við
danir.
1. Sambært ’lov om anpartsselskaber og om aktieselskaber’ er Industriministeriets
Erhvervsankenævn kærumyndugleiki.
Viðv. 1) Skal hetta verða umsitið í Føroyum, má kærunevnd verða
til hetta. Tað loysir seg tó neyvan at stovna nýggja kærunevnd í
Føroyum, tí kærur koma sera sjáldan fyri. Kanska kundi henda
nevnd verið partur av Føroya kærustovni.
2. Vinnumálaráðharrin ger neyvari reglur viðvíkjandi starvsfólkavaldum
nevndarlimum.
Viðv. 2) Hetta eigur landsstýrismaðurin at áseta reglur um.
3. Sambært ’lov om Erhvervsdrivende Fonde’ skal Erhvervs- og
Selskabsstyrelsen góðkenna, at ein grunnur hoyrir undir lógina og
kann verða skrásettur í Skráseting Føroya. Erhvervs- og Selskabsstyrelsen
er eisini grunsmyndugleiki. Løgmálaráðharrin skal góðkenna
broytingar í viðtøkum hjá grunninum.
Viðv. 3) Skráseting Føroya kann vera tann góðkennandi myndugleikin
og vera grunsmyndugleiki. Møguliga kundi lógardeildin í
Landsstýrinum so góðkent viðtøkubroytingar.
4. Í ’Årsregnskabsloven’ er Industriministeriets Erhvervsankenævn
kærumyndugleiki.
Viðv. 4) sama sum viðv.1)
’Lov om værdipapirhandel m.v.,’ ’Lov om visse kreditinstitutter’
og ’Lov om banker og sparekasser m.v.’
5. Kærumyndugleiki er Industriministeriets Erhvervsankenævn.
6. Ársroknskapir hjá bankum og sparikassum skal Fíggjareftirlitið
góðkenna.
7. ’Fondsrådet,’ sum hevur skrivstovu í Fíggjareftirlitinum, skal góðkenna
verkevnisætlanir, sum verða sendar Skrásetingini, áðrenn
tær kunnu verða kunngjørdar.
Viðv. 5) sama sum viðv.1)
Viðv 6) Hetta kundi t.d. Landsbankin gjørt, um ikki eitt føroyskt
fíggjareftirlit verður sett á stovn.
Viðv. 7) Tað loysir seg neyvan at gera slíkt grunsráð í Føroyum, tí
hesar verkevnisætlanir koma sera sjáldan fyri. Tí kundi Landsbankin,
(ella føroyska fíggjareftirlitið, um tað verður), kanska eisini
tikið sær av hesum.