hvítabók • fylgibind 2 fyrisiting - Løgmansskrivstovan

Farssóttir
Almanna- og heilsumálastýrið · 283
Uppgávan hjá løgmálaráðharranum er at áseta reglur um viðgerð
av umsóknum um sterilisatión og um eftirkanningar í sambandi við
kastratión. Løgmálaráðharrin skal geva loyvi til kastratión eftir tilmæli
frá Retslægerådet. Løgmálaráðharrin er eisini kærumyndugleiki í avgerðum,
sum Mødrehjælpsinstitutionen hevur tikið.
Mødrehjælpsinstitutionen er eitt samráð, ið hevur til uppgávu at
viðgera umsóknir um sterilisatión, og gevur loyvi til hetta. Sterilisatión
kann bert verða loyvd, um eitt einmælt samráð er fyri tí. Verður
sýtt fyri umsókn, kann hetta verða kært til løgmálaráðharran.
Í Føroyum verður loyvi til sterilisatión givið av nevnd, sum er samansett
av landslæknanum, dómaranum og trimum limum, sum løgmálaráðharrin
tilnevnir.
2. Lóggáva
Økið er felagsmál. Lógin er sett í gildi fyri Føroyar við kongligari fyriskipan.
3. Fíggjarlig ábyrgd
Økið er felagsmál og verður fíggjað við blokkinum.
A. nr. 600 af 30.11.1984 om ikraftræden på Færøerne af lov om
foranstaltninger mod smitsomme sygdomme, som senest ændret ved
A. nr. 845 af 18.12.1987.
1. Fyrisitingarligir myndugleikar og uppgávur
Fyrisitingarligir myndugleikar eru heilsumálaráðharrin, landsstýrismaðurin
í heilsumálum, Sundhedsstyrelsen, epidemikommisiónin,
tollmyndugleikar, løgreglan, havnarmyndugleikar og loftferðslumyndugleikar.
Uppgávan hjá heilsumálaráðharranum er støðugt at dagføra teir
listar, sum áseta, hvørjar sjúkur eru at rokna sum farsóttir. Heilsumálaráðharrin
kann í samráði við Landsstýrið áseta reglur um, hvat
verður gjørt á skúlum og stovnum, um farsótt fer at ganga, áseta reglur
um innflutning og útflutning, samráðingar, útflýggjan, viðgerð og
goymslu av sóttfongdum evnum, sum stava frá farsótt, sum henda
lógin umfatar. Harafturat kann heilsumálaráðharrin áseta reglur um
líkflutning inn og út úr landinum, áseta reglur um viðgerð og líkflutning
innanoyggja og taka avgerð um, at epidemikommisiónin skal
hava læknaliga hjálp til sítt virksemi. Eftir samráðingar við Landsstýrið
og við tilmæli frá Sundhedsstyrelsen hevur danski heilsumálaráðharrin
heimild til at gera av, at fyriskipanir, ið bert verða settar í