hvítabók • fylgibind 2 fyrisiting - Løgmansskrivstovan

Sinnisjúka
Almanna- og heilsumálastýrið · 271
Tað merkir, at føroyska heimastýrið ella ríkismyndugleikarnir altíð
kunnu gera av, at hetta økið verður yvirtikið sum føroyskt sermál.
3. Fíggjarlig ábyrgd
Danir hava fíggjarligu ábyrgdina av økinum og rinda útreiðslur av
umsitingini sambært lógini.
L. nr. 118 af 13.04.1938 om sindssyge Personers Hospitalsophold, som
senest ændret ved L. nr. 225 af 07.06.1972.
Í høvuðsdráttum snýr lógin seg um rættarstøðuna hjá sinnisjúkum.
Lógin ásetir reglur um, nær fólk kann verða innlagt á sjúkrahús fyri
sinnisjúku, og nær fólk kann verða tvingað at verða innlagt á sjúkrahús
fyri sinnissjúku. Lógin ásetir eisini reglur um, nær ið fólk kann
verða útskrivað, og nær noktað kann verða fyri útskriving.
1. Fyrisitingarligir myndugleikar og uppgávur
Fyrisitingarligir myndugleikar eru løgmálaráðharrin, Sundhedsstyrelsen,
fútin og løgreglan.
Uppgávan hjá løgmálaráðharranum sambært hesi lóg er at geva
statssjúkrahúsum, kommunusjúkrahúsum og privatum heilsuviðgerðarstøðum
góðkenning, (autorisatión), at viðgera sinnissjúk. Góðkenningin
verður givin eftir tilmæli frá Sundhedsstyrelsen og skal verða
endurnýggjað, tá ið viðgerðarstovnurin skiftir leiðandi lækna. Góðkenning
kann altíð verða afturtikin, tá ið lækni metir, at sjúklingur
ikki kann verða útskrivaður, av tí at hann kann vera sær sjálvum og
øðrum til bága. Í øðrum førum kann læknin eisini nokta fyri útskriving,
men tá skal løgmálaráðharrin góðkenna noktanina. Løgmálaráðharrin
hevur eisini til uppgávu at áseta neyvari reglur fyri, tá ið løgreglan
er við til at leggja sinnissjúk inn.
Sundhedsstyrelsen hevur einans eina uppgávu sambært lógini, og
hon er viðv. góðkenningum.
Uppgávan hjá fútanum sambært lógini er at syrgja fyri góðum
trygdarskipanum viðv. sinnisjúkum, tá ið tann sjúki sambært læknaváttan
kann seta rættartrygdina í vága. Hesar trygdarskipanir kann
bert fútin broyta ella taka av. Spurningar, hvørt tað er lógligt at halda
fólki aftur, kunnu verða kravdir at verða lagdir fyri rættin.
Uppgávan hjá løgregluni sambært hesi lóg er at vera við til at leggja
inn sinnisjúk fólk, um so má vera, og at geva skiftirættinum, har tann
sinnissjúki býr, boð um tvingsilsinnleggingina.