hvítabók • fylgibind 2 fyrisiting - Løgmansskrivstovan

90 · Hvítabók – Fylgibind 2
Útreiðslur til útbúgvingar: Í 1997 fóru 114.706.000 kr. til at grundútbúgva
løgreglufólk, 54.004.000 kr. til at eftirútbúgva løgreglufólk,
5.261.000 kr. at eftirútbúgva skrivstovufólk og 4.029.000 kr. at eftirútbúgva
løgfrøðingar.
Rokna vit hetta um til føroysk viðurskifti eftir starvsfólkatalinum
og rokna við, at løgreglan keypti tænasturnar úr Danmark fyri roknaðan
framleiðsluprís, hevði kostnaðurin verið 1.137.457 kr. til at
grundútbúgva løgreglufólk, 535.519 kr. (800.000) til at eftirútbúgva
løgreglufólk, 54.288 kr. til at eftirútbúgva skrivstovufólk og 50.112
kr. (75.000) til at eftirútbúgva løgfrøðingar.
Í klombrum eru tølini fyri at eftirútbúgva løgfrøðingar og løgreglufólk
hækkað um leið 50%, tí tølini, (bæði starvsfólka- og uppgávutølini
í veruligum tølum), eru so smá og ójavnt býtt, at skal starvsfólkaorkan
verða fullnýtt, er umráðandi at hvørt einstakt starvsfólk
hevur førleika at røkja ymiskligar uppgávur 6 .
Aftur at tí, sum sæst av almennu hagtølunum og roknskapunum,
eru einstøk løgreglufólk í styttri og longri ástøðiligum og verkligum
eftirútbúgvingum í Danmark. Hetta er ilt at seta tøl á, men í miðal
man talan vera um á leið eina hálva millión um árið, tí oftast fáa tey
„danska“ løn, er talan um longri tíð
Samanumtikið kunnu vit sostatt seta útreiðslurnar til útbúgving á
løgregluøkinum til 2.566.745 kr., og tá er nakað lagt uppfyri.
Til samanberingar er at nevna, at í Íslandi kostar Løgregluskóli
Rikisins 75 mió. ísl. kr., (uml. 7,3 mió), um árið, og hevur um 35
næmingar í grundútbúgving um árið, umframt at veita løgreglumonnunum
eftir- og serútbúgvingar, og hetta bendir á, at metingin omanfyri
er ikki ov lág, ið hvussu er.
Fjaldu útreiðslurnar annars
Á øllum hinum „fjaldu“ økjunum er ilt at seta tøl á fjalda kostnaðin,
um vit hugsa um, hvat tað hevði kostað at fingið tænastuna at virka í
Føroyum, tí talan er mest um háspesialiseraðar tænastur, har eindarkostnaðurin
fyri fyrst framleiddu tænastuna av hvørjum slagi er
heilt munandi partur av tí, allar veittu tænasturnar á økinum kosta.
Danska løgregluliðið og fólkatalið eru um leið hundrað ferðir størri,
og harafturat er samfelagsbygnaðurin í londunum grundleggjandi
6 Útreiðslutølini eru endaligu roknskapartølini úr fíggjarlógaruppskotinum, starvsfólkatølini
eru úr ársfrágreiðingini, og føroysku starvsfólkatølini eru sambært upplýsingum
frá fútanum. Donsku tølini eru ávíkavist 10.034, 2132, og 402, føroysku tølini, sum
omanfyri nevnt, (parttíðarsett eru tald við við 1/2).