hvítabók • fylgibind 2 fyrisiting - Løgmansskrivstovan

276 · Hvítabók – Fylgibind 2
2. Lóggáva
Lógin er sett í gildi fyri Føroyar við fólkatingslóg. Málsøkið varð yvirtikið
tann 1. januar 1988 sum § 9-mál í heimastýrislógini og er ætlað
at lata føroyskum myndugleikum ábyrgdina av rakstrinum av serforsorgini,
ábyrgdina av viðurskiftinum hjá brekaðum og somuleiðis
ábyrgdina av starvsfólkinum, ið arbeiðir í serforsorgini.
3. Fíggjarlig ábyrgd
Fíggjarliga ábyrgdin liggur hjá donskum myndugleika, av tí at málsøkið
er yvirtikið sum § 9-mál, men donsku myndugleikarnir hava við
ríkislóg latið føroyska heimastýrinum útreiðsluskylduna sambært hesi
lóg. Sum endurgjald fyri at rinda útreiðslurnar, fær heimastýrið blokkstuðul.
Vanlukkutryggingarøkið
A. nr. 389 frá 15. november 1966 for Færøerne om forsikring mod
følger af ulykkestilfælde.
Fyrisitingarligir myndugleikar og uppgávur
Formliga hava danskir myndugleikar stóra ávirkan og stórar uppgávur á
vanlukkutryggingarøkinum í Føroyum. Hetta kemst av tí heldur fløktu,
rættarligu støðu, ið valdar á økinum – sí meira niðanfyri undir „lóggávu.”
Donsku fyrisitingarligu myndugleikarnir eru:
• Staturin, ið m.a. hevur ábyrgd av sínum tænastumonnum, eisini
tá teir starvast í Føroyum, umframt formliga at hava fíggjarligu
ábyrgdina av Vanlukkutryggingarráðnum.
• Direktoratet for ulykkesforsikring (nú: Arbejdsskadestyrelsen), ið
m.a. hevur ein týðandi lut í málsviðgerðini av vanlukkutryggingartilburðum
í Føroyum.
• Stjórnin, ið m.a. vegna Føroyar hevur heimild at gera altjóða sáttmálar
á vanlukkutryggingarøkinum.
• Almannamálaráðharrin, ið m.a. hevur heimild at gera bæði
heildarreglur og stakreglur fyri vanlukkutryggingarlóggávu í Føroyum.
• Vanlukkutryggingarráðið, ið m.a. er vanligi málsviðgerðin í vanlukkutryggingartilburðum.
• Sorinskrivarin, sum er fastur formaður í Vanlukkutryggingarráðnum.
• Landslæknin, sum er fastur limur í Vanlukkutryggingarráðnum.
· Ríkisumboðsmaðurin, sum skal verða kunnaður um virksemið hjá
Vanlukkutryggingarráðnum.