hvítabók • fylgibind 2 fyrisiting - Løgmansskrivstovan

Skrásetingarmál
Fiskimálastýrið · 151
um sjóvinnu, sum eru settar í gildi her, m.a. „lov om skibes sikkerhed.“
Uppgávan hjá Sjóvinnustýrinum, (Skipaeftirlitinum), er m.a. at
umsita skipasýn, herímillum at geva loyvisbrøv, eins og tað umsitur
lógarsmíð, (ríkislógir og fyriskipanir), og altjóða samstarv á sjóvinnuøkinum.
Aðrir danskir myndugleikar eru eisini við í myndini. Talan er t.d.
um umhvørvismál og uppmerking av siglingarøkjum, sum ávikavist
Miljøstyrelsen og Farvandsdirektoratet umsita.
Við at kanna lógarøkið sæst, at nógvar av gomlu lógunum á sjóvinnuøkinum
eru ótíðarhóskandi og óneyðugar. Somuleiðis eru nakrar av
teimum nýggjaru lógunum ikki heilt dagførdar.
Uppgávur, sum danskir myndugleikar umsita í Føroyum, rindar ríkiskassin.
Skipasýn hjá Sjóvinnustýrinum verður gjørt at kalla ókeypis
fyri reiðaran, men uppgávur, sum klassafeløg gera vegna Sjóvinnustýrið,
skal brúkarin gjalda fyri.
Uppgávur, sum føroyskir myndugleikar umsita, eru eisini mestsum
ókeypis fyri brúkaran, tá ið undantikin eru skipaskrásetingargjøld og
ávís útbúgvingarskeið.
Ætlanir eru um at yvirtaka skipasýnið og at fáa allar ríkislógir um
sjóvinnu sum sermál. Til hetta krevst ikki bert fíggjarlig orka, men
eisini starvsfólk við grundleggjandi yrkisførleika og royndum í sjóvinnu.
Talan kann verða um, at økið formliga verður yvirtikið við
teimum skyldum og ábyrgdum, sum hetta hevur við sær, men at føroyska
fyrisitingin í eina tíð framyvir hevur neyvt samstarv við Sjóvinnustýrið.
– A. nr. 247 af 03.05.1993. Anordning om ikrafttræden for Færøerne
af lov om erhvervsdrivende fonde.
– Bekendtgørelse nr. 992 af 14.12.1993 for Færøerne om anmeldelser
m.v. til den færøske registreringsmyndigheds register for erhvervsdrivende
fonde.
– Bekendtgørelse nr. 993 af 14.12.1993 for Færøerne om nedsættelse
af grundkapitalen i erhvervsdrivende fonde.
– Bekendtgørelse nr. 994 af 14.12.1993 for Færøerne om opløsning af
erhvervsdrivende fonde.
– Kunngerð nr. 204 frá 28.12.1993 um gjøld fyri vinnurekandi
grunnar.