hvítabók • fylgibind 2 fyrisiting - Løgmansskrivstovan

354 · Hvítabók – Fylgibind 2
Deildin fyri arbeiðs- og almannaheilsu
Landssjúkrahúsið
Formligar avtalur eru ongar, men eitt formligt tilknýti er til Odense
Universitet, og eitt óformligt granskingarsamstarv við umhvørvismedisinsku
deildina Institut for Sygdomsforebyggelse og Helsetjenesteforskning
á Odense Universitet.
Frá Landssjúkrahúsinum eru komin aftursvar frá trimum deildum.
Psykiatrisk deild
Er talan um formligar avtalur, hevur deildin samband við serviðgerðarstovnar
á psykiatriska økinum, har viðgerð ikki er í Føroyum. Talan
er um barna- og ungdómspsykiatri. Konsulentskipan er við Odense
Universitetshospital, sum sendir konsulentar til Føroya tríggjar ferðir
um árið. Avtala er eisini við Bispebjerg Hospital, tá børn verða innløgd.
Harafturat er avtala við Ríkissjúkrahúsið og Psykiatrisk Hospital
Risskov, Center for hjerneskade á Amager og Amtssygehus Herlev.
Avtala er við Falck um sjúkraflutning.
Viðvíkjandi óformligum avtalum er talan serliga um út- og eftirútbúgvingartilboð
til starvsfólk.
Fyristøðukvinnan
Sjúkrarøktarleiðslan samstarvar við ymiskar stovnar í Danmark. Tá
talan er um góðkenning av sjúkrasystrum, verður samstarvað við
Sundhedsstyrelsen. Samstarvað verður eisini við ymisk sjúkrahús í
sambandi við sjúkraflutning til Danmarkar.
Viðvíkjandi starvsfólkaútbúgving verður farið á serlig eftirútbúgvingarskeið
á Ríkissjúkrahúsinum, og starvsfólk koma eisini úr øðrum
donskum sjúkrahúsum til Føroya at undirvísa sjúkrasystrum her.
Í útbúgvingini á Danmarks Sygeplejerskehøjskole hava føroyskar
sjúkrasystrar somu rættindi sum danskar sjúkrasystrar at fara á eftirútbúgvingarskeið.
Sjúkrasystraskúlin
Danska Undirvísingarmálaráðið skal góðkenna útbúgvingarætlanina,
tá ið ræður um karmar fyri útbúgving, útbúgvingarskipan, kravdum
uppgávum og próvtøkum, og Sundhedsstyrelsen skal góðkenna fakliga
innihaldið.
Skúlin samstarvar við donsku heilsutænastuna í sambandi við
starvslæruna hjá sjúkrasystrunum.