hvítabók • fylgibind 2 fyrisiting - Løgmansskrivstovan

Fiskimálastýrið · 149
Lógin varð gjørd í 1980 og loysti av skipatilsýnislógina frá 1951.
Lógin er broytt nakrar ferðir síðani, serliga orsakað av tí tøkniligu
menningini og broytingum í altjóða sáttmálum. Mest týðandi altjóða
sáttmálin er trygdarsáttmálin á sjónum, SOLAS, frá 1974. Aðrir sáttmálar
eru t.d. lastalinjusáttmálin LL frá 1966 og umhvørvissáttmálin
MARPOL frá 1973 og 1978.
Í stuttum kann verða sagt, at lógin, saman við tøkniligum fyriskipanum
og kunngerðum, ásetir bæði tøknilig krøv til skip og reglur um
skipasýn. Skipara og reiðara eru skyldur álagdar at halda skipið í góðum
standi. Sjóvinnustýrið kann halda aftur skipi, sum bæði er til
vanda fyri trygdina á sjónum og fyri umhvørvið. Reglurnar kunnu,
sambært fólkarættarligum reglum, eisini verða settar at galda fyri útlendsk
skip, sum koma inn í egið sjóøkið.
Fyrisiting: Vinnumálaráðharrin, (áður ídnaðarmálaráðharrin), hevur
heimilað danska sjóvinnustýrinum at útinna tær heimildir, ið eftir
hesi lóg eru givnar ráðharranum. Tøkniligar fyriskipanir, ið Sjóvinnustýrið
hevur fingið heimilað at áseta, verða kunngjørdar í „Meddelelser
fra Søfartsstyrelsen“ og eru at síggja hjá Skipaeftirlitinum og Sjóvinnufyrisitingini
í Fiskimálastýrinum.
Tøkniligar fyriskipanir, sum eru í uppskoti at seta í verk bæði í
Danmark og Føroyum, koma til Sjóvinnufyrisitingina til ummælis.
Avtalað er, at Sjóvinnufyrisitingin áðrenn tveir mánaðir skal boða frá,
um fyriskipanin kann koma í gildi fyri Føroyar. Sjóvinnufyrisitingin
skal tryggja, at vinnan fær nýggjar fyriskipanir til ummælis, áðrenn
hesar verða settar í gildi fyri Føroyar.
Er talan um danskar kunngerðir, kann Sjóvinnufyrisitingin, í samráði
við føroysku vinnuna, heita á Sjóvinnustýrið um at fáa sett í gildi
nýggjar kunngerðir, gera broytingar ella seta úr gildi verandi kunngerðir.
Í Føroyum hevur danska sjóvinnustýrið eina deild, sum vanliga verður
kallað Skipaeftirlitið ella Skipasýnið. Tað hevur skyldu til at ansa eftir,
at lógin verður hildin. Sjóvinnustýrið hevur heimild til at halda aftur
skipum, sum ikki lúka treytirnar í lógini. Sjóvinnustýrið skal góðkenna
skip til ávísa nýtslu, herundir áseta loyvt ferðafólkatal og geva
skipinum siglingarloyvi til ávíst øki. Sjóvinnustýrið hevur skyldu til
at fylgja tí tøkniligu og sosialu menningini á økinum og virka fyri, at
hetta verður til frama fyri trygdina á sjónum.
Danski vinnumálaráðharrin setir eitt skipatilsýnisráð, sum skal vegleiða
og ráðgeva Vinnumálaráðnum og Sjóvinnustýrinum í spurningum
á lógarøkinum. Formaður í nevndini er eitt umboð úr Sjóvinnu-