hvítabók • fylgibind 2 fyrisiting - Løgmansskrivstovan

Undirvísingar- og mentamálastýrið · 223
til at fremstille eksemplarer af litterære og kunstneriske værker m.v.
ved fotografering.
A. nr. 365 af 23.09.1965 om anvendelsen af lov om ophavsretten til
litterære og kunstneriske værker og lov om retten til fotografiske
billeder i forhold til andre lande m.v.
Lóggáva
Lógin gevur teimum, sum hava tikið fotografiskar myndir rættin til –
við fotografi, prenti, tekning ella á annan hátt – at framleiða eintøk
av myndini og at vísa hana fram alment. Lógin fatar m.a. eisini um
reglur um, hvussu endurútgáva av myndum skal fara fram, nær
myndin er at rokna sum almannakunngjørd og í hvørjum skapi
myndirnar kunnu verða almannakunngjørdar, hvussu leingi myndatakarin
hevur rættin til myndina, og hvussu brot á lógina skulu viðgerast.
Í Danmark er lógin frá 31. mai 1961 ikki í gildi longur, men í staðin
kom nýggj lóg.
Ætlanin við at nútímansgera lógina um upphavsrætt er, at fotografilógin
verður gjørd sum partur av upphavsrættindalógini (sí tað,
sum stendur um upphavsrættindalógina).
Fyrisiting
Tað danska Mentamálaráðið og Undirvísingar- og mentamálastýrið
umsita lógina.
Av tí, at henda lóg stavar frá 1961, hevur hon sítt upphav frá tíðini,
áðrenn danska Mentamálaráðið varð sett á stovn. Málsøkið var tá
undir Undirvísingarmálaráðnum, og varð lóggávan løgd fram av
undirvísingarmálaráðharranum. Í dag er málsøkið flutt yvir í Mentamálaráðið,
og verður upphavsrættindalógin umsitin haðani.
Av tí, at lógin um rættin til fotografiskar myndir er sett úr gildi í
Danmark og hesin partur er vorðin partur av upphavsrættindislógini,
kann væntast, at sami leistur verður nýttur í Føroyum. Arbeitt verður
í løtuni við at gera uppskot til nýtt ríkislógartilmæli um upphavsrættindalóg.
Í uppskotinum til ríkislógartilmælið um upphavsrættindalógina,
er lógin um rættin til fotografiskar myndir vorðin partur
av upphavsrættindislógina.
Mett verður ikki, at neyðugt verður við fyrisitingarligum samstarvi
um hetta málsøki.
Fígging
Tað danska Mentamálaráðið og Undirvísingar- og mentamálastýrið
hava fíggjarligu ábyrgdina av galdandi lóg. Ein nevnd skal umsita eftirlitið
eftir galdandi lóg.