hvítabók • fylgibind 2 fyrisiting - Løgmansskrivstovan

294 · Hvítabók – Fylgibind 2
sjúklingar sambært sjúklingatryggingarlógini. Ein slík skipan er sera
dýr at sett í verk og krevur stóran serkunnleika á økinum.
3. Fíggjarlig ábyrgd
Fíggjarliga høvuðsábyrgdin av økinum er í Danmark, við tað at hetta
er felagsmál.
Í Føroyum stendst fíggjarligur kostnaður av lógini, við tað at sjúkrahúsverkið,
og í ávísum førum Føroya landsstýrið, skulu rinda tryggingarfelagi
eitt tryggingargjald. Fíggjarligur kostnaður stendst eisini av,
at Føroya landsstýrið er endurgjaldsskyldugt í teimum førum, sum
nevnd eru í § 1, stk. 3, smb. við § 9, stk. 2, og Føroya landsstýri kann
yvirtaka tryggingarskylduna sambært § 11 stk. 2.
Vísindasiðseminevnd
„Anordning om ikrafttræden på Færøerne af lov om et videnskabsetisk
komitésystem og behandling af biomedicinske forskningsprojekter.“
1. Fyrisitingarligir myndugleikar og uppgávur
Í Danmark er skipanin uppbygd við einum ávísum tali av vísindaetiskum
økisnevndum og eini vísindaetiskari høvuðsnevnd, sum samskipar
arbeiði hjá økisnevndunum.
Føroyska vísindasiðseminevndin skal sambært uppskotinum virka í
donsku skipanini sum økisnevnd undir høvuðsnevndini. Í føroysku
nevndini skulu sita sjey limir, harav landsstýrismaðurin velur fýra og
Føroya læknafelag tríggjar. Tveir av limunum í nevndini verða valdir
at sita í donsku høvuðsnevndini.
Uppgávan hjá føroysku vísindasiðseminevndini verður sambært
uppskotinum at gera eina fakliga og etiska meting av teimum granskingarverkætlanum,
sum nevndar eru í § 6, og sum ætlanin er at seta
í verk í Føroyum. Heldur nevndin granskingarverkætlanina vera ráðiliga,
gevur hon loyvi til, at royndin kann verða sett í verk. Nevndin
hevur harnæst eftirlit við, at royndin verður gjørd í samsvari við givna
loyvið.
Høvuðsnevndin í Danmark samskipar arbeiðið ímillum donsku og
føroysku økisnevndirnar, fylgir við í granskingarmenningini, viðger
ávísar granskingarverkætlanir sambært lógini, vegleiðir økisnevndirnar,
ásetir neyvari leiðreglur fyri tær, eins og hon virkar sum kærumyndugleiki,
tá ið kært verður um avgerðir hjá økisnevndunum.
2. Lóggáva
Ætlanin við lógini er at áseta neyvari rammur fyri vísindaetisku metingina
av biomedisinskum granskingarverkætlanum.