hvítabók • fylgibind 2 fyrisiting - Løgmansskrivstovan

Kapittul 1
Almanna- og heilsumálastýrið · 269
Fólkatingslógir, sum galda fyri alt ríkið
Krígsendurgjald
Her er oftast talan um upprunaliga gamlar, danskar lógir, sum eru
settar í gildi, áðrenn heimastýrislógin varð samtykt í 1948, og sum
formliga enn galda í Føroyum. Fyri seinna veraldarbardaga vóru Føroyar
eitt vanligt, danskt amt, og donsku lógirnar høvdu tískil eisini
gildi fyri Føroyar av sær sjálvum. Ein serlig lóg ásetti tó, at hesar
donsku lógir vanliga ikki fingu gildi í Føroyum fyrr enn fýra vikur
eftir, at tær vóru kunngjørdar í Dimmalætting.
Summar fólkatingslógir eru tó settar í gildi fyri alt ríkið, eisini eftir
seinna veraldarbardaga.
Lb. nr. 244 af 01.04.1992 om erstatning til besættelsestidens ofre, som
ændret ved L. nr. 502 af 24.06.1992 om ændring af lov om
erstatning til besættelsestidens ofre, (færøske fiskere).
1. Fyrisitingarligir myndugleikar og uppgávur
Fyrisitingarligir myndugleikar eru Arbejdsskadestyrelsen og Erstatningsrådet.
Tað er Arbejdskadestyrelsen, sum umsitur lógina. Fyri at avgreiða eina
umsókn krevst, at sjúkrahús, læknar og onnur lata Arbejdsskadestyrelsen
upplýsingar, sum hava týdning fyri viðgerðina av endurgjaldinum.
Avgerðir hjá Arbejdsskadestyrelsen sambært hesi lóg kunnu verða
kærdar til Erstatningsrådet.
2. Lóggáva
Lógin ásetir, at danskir statsborgarar, sum í minsta lagi 6 mánaðir í
tíðini frá 9. apríl 1940 til 5. mai 1945 hava siglt við føroyskum fiskiskipi,
kunnu søkja um endurgjald fyri mist arbeiðsevni. Fyri at skjalprógva
hesa siglingartíð, skal umsøkjarin venda sær til Føroya landsskjalasavn
fyri at fáa siglingartíðina. Lógin er eisini galdandi fyri
hjúnafelagar hjá teimum, sum sigldu.
Lógin er fólkatingslóg, sum er sett í gildi fyri alt ríkið í apríl 1992.
Fólkatingið gjørdi ávísar broytingar í lógini, tá ið talan var um