hvítabók • fylgibind 2 fyrisiting - Løgmansskrivstovan

Skrásetingarmál
Samandráttur og niðurstøður · 21
Hóast skipaskrásetingin er einasta skrásetingarmál, sum er føroyskt
sermál, fyrisitur Skráseting Føroya øll skrásetingarmál undir Fiskimálastýrinum.
Skráseting av parta- og smápartafeløgum, vinnurekandi grunnum
o.ø. er felagsmál, og lóggávan donsk. Økið verður tó fyrisitið í Føroyum,
og verður lutvíst fíggjað við nýtslugjøldum, (skrásetingargjøldum),
og lutvíst yvir fíggjarlógina. Tí er hetta ikki eitt øki, sum verður
tungt at yvirtaka.
Tá ið ræður um fyrisiting av skrásetingarmálum er tó at nevna, at
um kært verður yvir avgerðir hjá Skráseting Føroya í sambandi við
parta- og smápartafelagslógina og lógina um vinnurekandi grunnar, er
Erhvervsministeriets Erhvervsankenævn kærumyndugleiki. Skal hetta
eisini verða fyrisitið í Føroyum, verður mælt til, at kærumyndugleikin
framyvir verður Føroya kærustovnur. Kærur av hesum slag koma sera
sjáldan fyri, so neyðugt verður ikki at skipa eina serliga fyrisiting bert
til kærumál.
Í verandi skipan skal Erhvervs- og Selskabsstyrelsen góðkenna, at
ein grunnur hoyrir undir lógina og sostatt kann verða skrásettur í Føroyum.
Erhvervs- og Selskabsstyrelsen er grunsmyndugleiki, og Løgmálaráðið
skal góðkenna broytingar í viðtøkununum hjá vinnurekandi
grunnum.
Fiskimálastýrið metir, at Skráseting Føroya kann átaka sær tær
uppgávur, sum Erhvervs- og Selskabsstyrelsen nú hevur. Møguliga
kann lógardeildin á Løgmansskrivstovuni góðkenna viðtøkubroytingarnar.
Millumtjóða samstarv
Sambært § 8 í heimastýrislógini og sambært siðvenju hevur heimastýrið
í ávísum førum heimild at tingast við og gera avtalur við onnur
lond um fiskivinnuavtalur. Vanligt hevur verið, at umboð fyri donsku
uttanríkistænastuna hava verið við – men tey hava fyri mesta partin
verið eygleiðarar.
Føroyskir myndugleikar hava tískil longu drúgvar royndir at samráðast
um og umsita tílíkar sáttmálar, hóast vit ikki fyrr enn við fullveldinum
fáa formligu heimildirnar á økinum.
Tá ið talan er um at vera við í fleirtjóða samstarvi, so hava vit eisini
royndir við tí, hóast vit ikki hava kunnað verið við sum sjálvstøðugt
land.
Danmark er limur í bæði NAFO, (Northwest Atlantic Fisheries
Organisation), og NEAFC, (Northeast Atlantic Fisheries Commissi-