hvítabók • fylgibind 2 fyrisiting - Løgmansskrivstovan

Apoteksverkið
L.nr. 104 frá 05.09.1988
Almanna- og heilsumálastýrið · 345
1. Fyrisitingarligir myndugleikar og uppgávur
Danskir myndugleikar, sum hava fyrisitingarligar uppgávur og ábyrgd
av føroyska apoteksverkinum, eru m.a.:
Sundhedsstyrelsen, Statens Serumlaboratorium, Statens veterinære
institut for virusforskning, ávísir danskir undirvísingarstovnar, ávísir
útlendskir skrásetingarmyndugleikar, landslæknin í Føroyum og
dómsvaldið í Føroyum,
Teir tríggir fyrst nevndu myndugleikarnir eru við til at tryggja, at
medisinskur útbúnaður, sum antin verður innfluttur til Føroya ella
gjørdur í Føroyum, lýkur ávís heilsu- og trygdarkrøv. Hetta verður
m.a. gjørt við at seta danskar reglugerðir, standardir o.s.fr. í gildi fyri
medisinskan útbúnað á føroyska marknaðinum.
Harumframt kunnu sjúkrahús, læknar og djóralæknar í Føroyum
flyta inn koppingarevni og serum frá hesum stovnum uttan um apoteksverkið.
Ávísir danskir undirvísingarmyndugleikar skulu tryggja, at tey, sum
gera, selja ella ráðgeva um medisinskan útbúnað í Føroyum, eru
skikkað til hetta starv. Hetta verður m.a. gjørt við at krevja, at hesi
fólk hava tikið góðkendar, danskar útbúgvingar á økinum, t.d. farmaseut-
og apoteksassistentútbúgving.
Um ávísir danskir skrásetingarmyndugleikar hava góðkent medisinskan
útbúnað, so verður henda góðkenning eisini nýtt sum grundarlag
undir skrásetingini av útbúnaðinum á føroyska marknaðinum.
Landslæknin í Føroyum hevur í høvuðsdráttum eftirlitsmyndugleika
á økinum, og dómsvaldið hevur myndugleika til at revsa tann
ella tey, sum ikki halda ásettu reglurnar.
Føroysku myndugleikarnir á økinum eru serliga
• Landsapotekarin í Føroyum
• Avvarðandi landsstýrismaður
Landsapotekarin er „dagligur“ leiðari fyri alt apoteksverkið, t.e. apotekunum,
handkeypssølunum og apoteksgrunninum. Harumframt
hevur hann ovastu, fíggjarligu leiðsluna, og skal saman við apotekaranum
standa fyri rakstri, fíggjarætlanum og fíggjarstýring.
Landsstýrismaðurin í almanna- og heilsumálum hevur generellar
heimildir at áseta neyvari reglur fyri virksemið hjá apoteksverkinum
og kann soleiðis við „rammustýring“ hava ávirkan á, hvussu
apoteksverkið í Føroyum verður skipað.