hvítabók • fylgibind 2 fyrisiting - Løgmansskrivstovan

Millumtjóða samstarv
Samandráttur og niðurstøður · 31
Ikki ber til at siga í hvørjum av teimum ymsu norðurlendsku og
altjóða sáttmálunum, sum galda á undirvísingar- og mentaøkinum,
Føroyar skulu vera við sum sjálvstøðugt land.
Nevnast skal tó her, at tað er alneyðugt, at Føroyar gerast limir í
IMO (International Maritime Organization), og at IMO-sáttmálin
verður settur í gildi fyri Føroyar. Somuleiðis má tann nýggi sáttmálin
um atgongd til hægri lestur í Norðurlondum verða settur í gildi her.
Aðrir sáttmálar eru eisini, sum stýrið mælir til, at Føroyar gerast
sjálvstøðugur partur av. Her verður m.a. hugsað um Helsingforsavtaluna
og sáttmálan um Norðurlendska Mentanargrunnin.
6. Almanna- og heilsumálastýrið
Partvís yvirtikin øki
Almanna- og heilsuøkið er tað størsta útreiðsluøkið á fíggjarlógini.
Tað kostar uml. 1.3 mia. kr.
Nakrir partar av málsøkinum (apoteksverkið og vanlukkutryggingarøkið)
eru fult yvirtiknir av heimastýrinum, nakrir eru bara yvirtiknir
viðvíkjandi fyrisiting, meðan aðrir framvegis eru danskir burturav og
verða fíggjaðir beinleiðis úr statskassanum. Her er serliga talan um
Landslæknan, sum kostaði 1,1 mió. kr. í 1998.
Í 1993 varð avtala gjørd ímillum stjórnina og heimastýrið um, at
heimastýrið skuldi yvirtaka ávís øki innan almanna- og heilsumál sum
snúgva seg um, hvørjar veitingar tann føroyski borgarin hevur rætt
til.
Hesar yvirtøkur vórðu gjørdar sambært § 9 í heimastýrislógini, og
føroyskir myndugleikar fingu heimild at áseta reglur um uppgávur og
fyrisiting á økinum.
Á almannaøkinum var talan um forsorgar- og barnaforsorgarskipanina,
pensiónsskipanina, dagpeningaskipanina, og reglur um dagtilboð
og hjálp til børn og ung. Á heilsuøkinum var talan um reglur
viðvíkjandi sjúkrahúsverki, kommunulæknum, heilsu- og heimasjúkrasystrum,
skúlalæknum, tannrøkt og sjúkratrygging.
Rammulógirnar sum tá vórðu samtyktar áseta, at tær donsku lóg-