hvítabók • fylgibind 2 fyrisiting - Løgmansskrivstovan

Kapittul 4
Formligt og óformligt samstarv
Samstarv við danskar toll- og skattamyndugleikar.
Fíggjarmálastýrið · 127
Eitt skipað samstarv millum Líkningarráð Føroya og danskar skattamyndugleikar
varð tikið upp, tá ið farið varð undir samtíðarskattalógina.
Líkningarráðið fekk hjálp frá bæði táverandi kelduskattadirektoratinum,
skattadepartementinum og donsku kommununum.
Fleiri donsk starvsfólk hjálptu til við arbeiðinum, bæði við at koma
til Føroya og við at kunna føroysk starvsfólk, sum fóru til Danmarkar.
Soleiðis var eisini í 1992, tá ið farið varð undir at gera eina meirvirðisgjaldslóg,
sum kom í gildi 1. januar 1993. Tá varð avtala gjørd
við Told- og Skattestyrelsen í Danmark um, at Region Frederikshavn
skuldi vera okkum til hjálpar við lógarsmíði og við at fáa lógina setta
í verk.
Sama mannagongd hevur verið nýtt í sambandi við umsiting av
tolllógini.
Kostnaðurin fyri landskassan hevur at kalla verið útreiðslur til ferðing
og uppihald, og har tað hevur verið neyðugt, eitt vet til úrtíðararbeiði.
Eisini kann verða nevnt, at Region Esbjerg hevur havt starvsfólk úr
Føroyum í ein mánað og sett tey inn í viðurskiftini við kolvetnisskatting.
Danska toll- og skattastýrið hevur eisini boðað frá, at teir fegin vilja
rætta eina hjálpandi hond við umsiting av kolvetnisskattalógini undir
somu treytum, sum hjálpin higartil hevur verið veitt.
Samanumtikið kann verða sagt, at umfatandi, óformligt samstarv
hevur verið millum Toll- og skattstovuna og danskar toll- og skattamyndugleikar,
tá ið arbeitt hevur verið við teim stóru lógunum á tollog
skattaøkinum, og mett verður, at kostnaðurin av samstarvinum við
Told og Skat í Danmørk hevði verið fleirfaldaður, um goldið skuldi
verið fyri tænasturnar á vanligan hátt við gjaldi fyri serfrøðingahjálp
og fyri ferða- og uppihaldsútreiðslur.
Um hetta alt verður øðrvísi, um viðurskiftini millum Føroya og
Danmarkar annars verða broytt, er ilt at meta um. Persónliga sambandið
verður so har eina tíð framyvir, um annað verður broytt.