hvítabók • fylgibind 2 fyrisiting - Løgmansskrivstovan

Góðkenningarlógirnar
Onnur felagsmál
3 – Hvítabók – Fylgibind 2
Samandráttur og niðurstøður · 33
Ein góðkenningarlóg er ein lóg, sum ásetir krøvini til góðkenning av
heilsustarvsfólkum. Sundhedsstyrelsen hevur fakliga eftirlitið við
øllum góðkendum heilsustarvsfólki í Føroyum.
Góðkenningarlógirnar byggja allar á altjóða krøv til heilsuútbúgvingar,
og krøvini til heilsuútbúgvingar eru tey somu í øllum ES- og
EBS-londunum.
Góðkenningarlógirnar eru felagsmál og verða tí settar í gildi í Føroyum
við kongligari fyriskipan. Tann yvirorðnaða fíggjarliga ábyrgdin fyri
økinum liggur í Danmark. Góðkenningarlógirnar vórðu ikki tiknar við í
rammulógina um heilsuverkið, tí mett varð, at føroyska heimastýrið ikki
hevði tað neyðuga fakliga innlitið á økinum til at áseta serføroyskar
reglur. Eisini varð mett, at heimastýrið ikki hevði orku til at halda
skipanina við líka – tvs. at seta neyðugu lógirnar í gildi á økinum, dagføra
tær og at hava fakliga eftirlitið við heilsustarvsfólkinum.
Í dag hevur føroyska umsitingin stórar trupulleikar við at fylgja við
í dagføringini av góðkenningarlógunum. Tískil eru flestu góðkenningarlógirnar
ikki dagførdar í minst 10 ár. Hvør einstøk góðkenningarlóg
og broyting í hesum lógum krevur somu mannagongd, sumríkislógartilmæli.
Um arbeiðið skal gerast til fulnar í Føroyum, krevur hetta
eina munandi størri umsiting.
Ein loysn á trupulleikanum við góðkenningarlógunum kundi verið,
at vit geva Danmark ella øðrum landi heimild til at umsita og lóggeva
á hesum økinum okkara vegna. Hetta hevði havt við sær, at tá ið ein
góðkenningarlóg verður sett í gildi ella broytt í landinum sum hevði
hesa heimild, so verður hon sett í gildi í Føroyum eisini. Í dag verður
heimildin til at broyta tær donsku lógirnar soleiðis at tær samsvara
við føroysk viðurskifti, kortini so at siga ikki brúkt.
Um ynskið er at heilsustarvsfólk í Føroyum skulu verða á sama
støði sum heilsustarvsfólk í Europa, verður mett, at samstarv má fáast
í lag við annað land í sambandi við fullveldi.
Innan heilsumál eru eisini onnur øki enn tey omanfyrinevndu, sum
enn eru felagsmál. Økini kunnu býtast upp í tveir bólkar:
1) Lógir, ið snúgva seg um veitingar til føroyska borgaran. Málsøkini
eru m.a. fosturtøka, fyribyrgjandi heilsukanningar og hjálp í sambandi
við barnsburð, ókeypis vaccinatión og sterilisatión. Mett verður, at
hesar lógir eiga at verða yvirtiknar. Ein møguleiki er at yvirtaka