hvítabók • fylgibind 2 fyrisiting - Løgmansskrivstovan

Løgmansskrivstovan · 91
ymiskur, soleiðis at føroyingar gera t.d. heilt óvanliga fá brotsverk eftir
fólkatalinum, bæði í norðurlendskum og í alheims høpi.
Smáu tølini, (t.d. minni enn ein eldsáseting, og fleiri ferðir minni
enn eitt morð um árið), gera tað enn truplari at leggja ráð fyri, hvørjum
tænastum tørvur er á, og hvør útreiðslutørvurin verður hvørt árið.
So sjáldsamar hendingar eru ongantíð javnt býttar yvir tíð og stað,
og tí hava vit so at siga vissu fyri, at hóast útreiðslutørvurin til flestu
sertænasturnar í miðal verður lágur, verður hann ár undan ári at
kunna skifta við fleiri milliónum. – Hinvegin gera smáu tølini tað
eyðsýnt, at á mongum økjum eru einastu fíggjarligu og fakligu ráðini
at leita sær tænasturnar aðrastaðni.
Sum sagt, upplýsir rigspolitichefen, at roknskapir og fíggjarætlanir
teirra ikki eru sundurlutað á deildir. Sostatt ber ikki til at fáa at vita,
hvat einstøku økini kosta, ella at royna at umrokna hesi til føroysk
viðurskifti.
Sambært virksemisroknskapinum hjá løgregluni fara 15% av játtanini
til leiðslu, fyrisiting og hjálpartænastur, og til Grønlands og Føroya.
Meta vit, at sama lutfallið kundi verið her 7 , fara 8.394.131-kr. til
leiðslu, fyrisiting og nevndu tænastur.
Í roynd og veru kunnu vit vænta, at leiðslu- og fyrisitingarparturin
gerst lutfalsliga tyngri, men at flestu sertænasturnar helst kunnu fáast
til keyps lutfalsliga bíligari, tí ongar grundútreiðslur eru, verða tænasturnar
keyptar úr verandi skipanum aðrastaðni 8 .
– Ymiskt er, hvussu løgregluleiðsla og løgreglufyrisiting eru skipað í
londunum kring okkum. Eitt nú hevur Danmark skipað flestu uppgávurnar
í eitt direktorat, (rigspolitichefen), har eisini allar landsfevnandi
tænasturnar eru skipaðar. Løgreglan í Íslandi hevur harafturímóti
sjálv um hendi flest allar direktoratsuppgávur, soleiðis at bert heilt
smávegis arbeiðsorka í sjálvari miðfyrisitingini fer til løgreglu afturímóti
orkuni, sum verður nýtt í donsku miðfyrisitingin. Í Íslandi er
tað so, at ein løgfrøðingur í Dóms- og kirkjumálaráðnum situr við
sjálvum løgregluøkinum burturav, ein annar við virksemi sýslumanna
7 Lutfallið er ov stórt, tí Grønland og Føroyar eru uppíroknað; men hinvegin eru helst
onkrar sertænastur, sum ikki eru fult uppíroknaðar.
8 Eisini hevði borið til at havt summar sertænastur í løgregluni, treytað av at samlíkar
uppgávur úr øðrum pørtum av fyrisitingini, sum tola at bíða, tá hart leikar á hjá løgregluni,
verða fluttar løgregluni at umsita. Tá høvdu starvsfólkini kunnað verið fleiri,
uttan at øll útreiðslan liggur á løgregluni, og tænastan fyri landið hevði verið betur úr
hondum greidd.