hvítabók • fylgibind 2 fyrisiting - Løgmansskrivstovan

Almanna- og heilsumálastýrið · 279
seinast broytt við Ll. nr. 89 frá 04.06.1996. Eisini broytt við Ll. nr.
93 frá 13.06.1995.
Meginparturin av reglunum í hesi lóg varð settur úr gildi, tá ið nýggj
lóg um Sjúkrahúsverk Føroya varð sett í gildi í 1996.
Bert §§17-19 í lógini galda enn. Í hesum greinum stendur, at Statshospitalið
í Havn kemur undir føroyska heimastýrið 1.1.1977 og
verður lagt saman við Landssjúkrahúsinum.
Føroyska heimastýrið skal ikki rinda dønum nakað, um hetta kemur
undir føroyskt málsræði.
Vevnaðartøka úr fólki
Fosturtøka
A.nr. 317 frá 22.08.88 om udtagelse af menneskeligt væv.
1. Fyrisitingarligir myndugleikar og uppgávur
Fyrisitingarligi myndugleikin sambært hesi lóg er Sundhedsstyrelsen.
Uppgávan hjá Sundhedsstyrelsen er at góðkenna teir stovnar, (sjúkrahús
o.tíl.), sum skulu hava loyvi til at taka vevnað úr fólki sambært lógini.
1. Lóggáva
Lógin snýr seg um, hvørji krøv verða sett heilsustarvsfólki og heilsustovnum,
tá ið vevnaður verður tikin.
3. Fíggjarlig ábyrgd
Sambært lógini rindar danski staturin fyri útreiðslurnar.
A. nr. 228 af 20.06.1959 om foranstaltninger i anledning af
svangerskab m.v. og ændret ved A. nr. 73 af 14.03.1968.
1. Fyrisitingarligir myndugleikar og uppgávur
Fyrisitingarligir myndugleikar eru Mødrehjælpsinstitutionen, heilsumálaráðharrin,
staturin og løgmálaráðharrin.
Er kvinna so fyri, at hon vil hava fosturtøku, kann hon venda sær
til Mødrehjælpsinstitutionen. Mødrehjælpsinstitutionen skal tá geva
henni vegleiðing í, hvørjar møguleikar hon hevur at fáa fosturtøkuna.
Til hetta kann Mødrehjælpsinstitutionen fáa sær sakkøna hjálp uttanífrá.
Til líknandi stovnur sum Mødrehjælpsinstitution verður í Føroyum,
skulu fosturtøkur her verða gjørdar eftir samráð ímillum tann
góðkenda læknan, sum skal gera fosturtøkuna, og ein annan góðkendan
lækna.