hvítabók • fylgibind 2 fyrisiting - Løgmansskrivstovan

Almanna- og heilsumálastýrið · 281
Uppgávan hjá Almannastovuni er at taka sær av kvinnum, sum frá
lækna ella jarðarmóður eru vístar til lækna, tí at tær hava persónligar,
sosialar ella fíggjarligar trupulleikar, ímeðan tær eru við barn.
Statens Seruminstitut hevur til uppgávu at gera tær kanningar av
blóðroyndum, sum eru neyðugar sambært lógini.
Heilsumálaráðharrin kann áseta neyvari reglur um kanningarnar av
blóðroyndum.
2. Lóggáva
Økið er felagsmál og sett í gildi í Føroyum við kongligari fyriskipan.
Lógin ásetir ikki faklig krøv ella altjóða standard til eitt ávíst heilsuøki,
men bert reglur um veitingar til borgarar í Føroyum viðv. fyribyrgjandi
heilsukanningum av barnakonum.
3. Fíggjarlig ábyrgd
Økið er felagsmál, t.e., at danir hava fíggjarligu ábyrgdina.
Tilboð um ókeypis koppseting
A. nr. 17 af 16.01.1981 om ikrafttræden på Færøerne af lov om
tilbud om gratis vaccinationer mod visse sygdomme, som ændret
ved A. nr. 845 af 18.12.1987.
1. Fyrisitingarligir myndugleikar og uppgávur
Fyrisitingarligir myndugleikar eru heilsumálaráðharrin, Sundhedsstyrelsen
og Statens Seruminstitut.
Uppgávurnar, sum donsku myndugleikarnir sambært lógini hava, eru
hesar:
Heilsumálaráðharrin skal áseta reglur um tilboð um ókeypis koppseting
fyri ávísar sjúkur.
Sundhedsstyrelsen skal áseta vegleiðingar um koppseting sambært
lógini.
Statens Seruminstitut skal hava ávísa nøgd av koppingarevnum á
goymslu til koppsetingar sambært lógini.
2. Lóggáva
Økið er felagsmál. Lóggávan er ein konglig fyriskipan, t.e. donsk lóggáva,
sum er tillagað føroysk viðurskifti.
Talan er ikki um faklig krøv ella altjóða standard til eitt ávíst
heilsuøki, men lógin ásetir bert reglur um veitingar til borgarar í Føroyum
viðv. tilboðum um ókeypis koppseting. Tað eigur at standa til
Løgtingið at áseta, hvørjar veitingar tað vil geva sínum borgarum.