hvítabók • fylgibind 2 fyrisiting - Løgmansskrivstovan

44 · Hvítabók – Fylgibind 2
Kapittul 1
1. Niðurstøður
1.1 Lóggáva
1.2 Fyrisiting
Í hesum kapitli verða niðurstøðurnar skrivaðar. Niðurstøðurnar
byggja á evnini, sum Løgmansskrivstovan viðger í álitinum. Niðurstøðurnar
eru skipaðar á tann hátt, at fyrst verður tikið saman um
lóggávuna. Økini, talan er um, eru danskar rættarreglur, sum eru settar
í gildi fyri Føroyar, føroyskar rættarreglur, sum vísa til danskar
myndugleikar, uttanlandsøkið, sivilrættarmál, løgregla, varðhald og
kriminalforsorg.
Somuleiðis verða niðurstøður gjørdar um krøv til fyrisiting og fígging
á somu økjum.
Tikið verður eisini saman um formliga og óformliga samstarvið,
sum er millum Føroya og Danmarkar. Eisini verður niðurstøða gjørd
um millumtjóða sáttmálar, sum beinleiðis eru undir fyrisitingarøkinum
hjá Løgmansskrivstovuni.
Niðurstøðurnar hava støði í, at Føroyar verða fullveldi.
Donsku rættarreglurnar, ið galda fyri Føroyar, og sum eru viðgjørdar
í kap 2.1, verða lagdar fyri heimastýrið til ummælis, sambært heimastýrislógini
§ 7, tá ið tær skulu setast í gildi í Føroyum, ella tá ið
broytingar, sum ætlandi skulu galda fyri Føroyar, skulu gerast í teimum.
Hesar rættarreglur kunnu koma undir føroyskt málsræði uttan
at seta nýggj krøv til lóggávu. Tó eigur lóggávan at verða lýst av nýggjum
at koma í gildi fyri Føroyar, tá ið Føroyar gerast fullveldi. Eisini
er ynskiligt, at øll føroysk lóggáva er orðað á føroyskum.
Føroysku rættarreglurnar, sum eru viðgjørdar í kap 2.2, vísa í nøkrum
førum til danskar myndugleikar. Eftir fullveldið er neyðugt at
strika hesar tilvísingar.
Tvey tey fyrstu økini, sum verða viðgjørd í hesum áliti, eru danskar
rættarreglur, sum eru settar í gildi í Føroyum, og føroyskar rættarreglur,
sum vísa til danskar myndugleikar. Talan er mest um lóggávu,