hvítabók • fylgibind 2 fyrisiting - Løgmansskrivstovan

342 · Hvítabók – Fylgibind 2
Tá ið kærunevndin vil hava betri greiðu á máli, sum er til viðgerðar,
kann stovnurin heita á áhugafeløg, fakfeløg, felagsskapir o.tíl. um at
koma á fund við stovnin fyri at lýsa málið.
Stovnurin hevur sjálvstøðuga skrivstovu, sum skal fyrireika tey mál,
ið kærunevndin skal viðgera. Tann myndugleiki, ið hevur tikið avgerð
og hevur kært, hevur skyldu at lata skrivstovu kærunevndarinnar allar
upplýsingar, sum hava verið grundarlag undir tí kærdu avgerðini. Avgerðir
hjá kærunevndini skulu vera fráboðaðar skrivliga og skulu vera
grundaðar.
Føroya kærustovnur varð stovnaður í 1998.
2. Lóggáva
Lógin er føroysk løgtingslóg.
Lógin ásetir við heimild í „Lov for Færøerne om offentlig forsorg,“
„Lov for Færøerne om invalidepension,“ „Lov for Færøerne om folkepension,“
„Lov for Færøerne om dagpenge ved sygdom eller fødsel“
og „Lov for Færøerne om børneforsorg,“ at heimild landsstýrisins sum
kærumyndugleiki verður latin Føroya kærustovni. Føroya kærustovnur
skal viðgera og taka endaliga avgerð í kærumálum sambært teimum
lógum, sum omanfyri eru nevndar.
Eisini skal stovnurin viðgera kærur, tiknar sambært løgtingslóg um
uppískoytisveiting til einkjur, løgtingslóg um samsýning fyri at ansa
eldri og óhjálpnum heima og løgtingslóg um bjálvingarstuðulslán til
pensiónistar.
Avgerðir, sum verða tiknar av kommunalari og sosialari deild,
kunnu innan 4 vikur verða kærdar til Almannastovuna og ikki til
kærunevndina í almannamálum. Landsstýrismaðurin í almanna- og
heilsumálum setir fólk at taka sær av tí dagliga arbeiðinum á skrivstovuni.
Landsstýrismaðurin í almanna- og heilsumálum ásetir neyvari
reglur um starvskipan kærunevndarinnar. Lógin fær gildi dagin
eftir, at hon er kunngjørd, og kom í gildi 23.3.1993.
3. Fíggjarlig ábyrgd
Landskassin ber útreiðslurnar hjá kærunevndini í almannamálum.
Býtið av almannaútreiðslum o.a.
Ll. nr. 125 frá 21.05.1993
1. Fyrisitingarligir myndugleikar og uppgávur
Fyrisitingarligir myndugleikar eru landsstýrismaðurin í almannamálum
og kommunurnar.