hvítabók • fylgibind 2 fyrisiting - Løgmansskrivstovan

274 · Hvítabók – Fylgibind 2
sýningin til læknararnar verður rindað í Føroyum burtur av blokkstuðlinum.
Endurgjald fyri koppsetingarskaðar
L. nr. 82 af 08.03.1978 om erstatning for vaccinationsskader.
1. Fyrisitingarligir myndugleikar og uppgávur
Fyrisitingarligir myndugleikar eru staturin, heilsumálaráðharrin,
Arbejdsskadestyrelsen, Den Sociale Ankestyrelse og almannamálaráðharrin.
Uppgávan hjá statinum er at geva tí koppsetta ella teimum avvarðandi
eitt endurgjald, sum má metast at vera grundað á koppseting,
sum er gjørd í Føroyum fyri eina sjúku, sum er umfatað av lógini um
tilboð um ókeypis koppseting fyri ávísar sjúkur, (sí niðanfyri kap. 2).
Staturin gevur eisini endurgjald fyri skaða, sum óivað er íkomin av
smittu frá fólki, sum er koppsett.
Uppgávan hjá heilsumálaráðharranum er at áseta reglur um, at lógin
eisini kann umfata aðra koppseting enn ta, sum er nevnd í lógini.
Uppgávan hjá heilsumálaráðharranum er at áseta reglur um, hvat
skal henda við veitingunum, um tann skaddi er komin undir serforsorg
ella aðra almenna forsorg.
Uppgávan hjá Arbejdsskadestyrelsen er at viðgera mál um veitingar
sambært lógini. Áðrenn avgerð verður tikin, skal Arbejdsskadestyrelsen
upplýsa málið og spyrja seg fyri hjá teimum, sum eru uppi í málinum.
(Í føroysku lógini stendur, at Sikringsstyrelsen hevur hesar uppgávur,
men sambært danskari lógarbroyting eru uppgávurnar fluttar
til Arbejdskadestyrelsen).
Læknar, sum gerast varugir við, at koppsetingarskaði er hendur,
skulu gera Arbejdsskadestyrelsen varugt við hetta.
Avgerðir hjá Arbejdsskadestyrelsen kunnu verða kærdar til den
Sociale Ankestyrelse, sum viðger málið sum vanligt kærumál.
2. Lóggáva
Fólkatingið setti lógina í gildi í 1978 fyri alt ríkið, t.e. Danmark,
Grønland og Føroyar. Eftir upplýsingum frá ríkisumboðnum er lógin
kunngjørd í Dimmalætting tann 22.04.1980. Nógvar lógarbroytingar
eru gjørdar í donsku lógini, men hesar eru ikki lýstar í Føroyum.
3. Fíggjarlig ábyrgd
Málsøkið er felagsmál, t.e., at danir hava fíggjarligu ábyrgdina, bæði
viðvíkjandi umsitingini av økinum og viðvíkjandi sjálvum endurgjaldinum
til sjúklingin.