hvítabók • fylgibind 2 fyrisiting - Løgmansskrivstovan

244 · Hvítabók – Fylgibind 2
Fleiri kommunur hava gjørt kirkjugarðsviðtøkur, hóast eingin lóg
og eingin kunngerð er um kirkjugarðar í Føroyum. Tað vanta reglur
um eftirlit við kirkjugørðum, reglur um flyting av líkum og „urnum”,
og reglur um gerðabøkur o.a. Heldur ikki eru reglur fyri, hvussu fram
skal farast, t.d um onkur ynskir, at hansara ella hennara jarðligu leivdir
verða spjaddar við vindinum, ella um viðkomandi ynskir at verða
jarðaður á sjónum.
Setanarviðurskiftini í fólkakirkjuni
Setanarlógin (lóg nr. 310 frá 16. mai 1990) er ikki galdandi í Føroyum.
Av tí at setanarlógin ikki er galdandi í Føroyum, kann kunngerðin
frá 18. juni 1991 um, at kirkjuráðini skulu vera við, tá ið prestar
verða settir o.a. ikki nýtast í Føroyum, tí hon er givin út við heimild
í setanarlógini. Men fyriskipanin um, at kirkjuráðini skulu vera við,
stendur hjá okkum í kirkjuráðslógini, (fyriskipan nr. 232 frá 25. mai
1981, sum setur í gildi í Føroyum lóg um kirkjuráð) ein val- og
kirkjuráðslóg. Orsøkin til trupulleikarnar er, at 4. partur í hesi lóg
bara viðger vanligar starvssetanir, har starvið alment verður lýst leyst.
Hetta ger, at biskupurin ikki kann seta ein prest fyribils í eitt starv,
uttan at starvið frammanundan hevur verið lýst leyst.
Galdandi setanarlóg í Føroyum er frá 1940-árunum (lóg nr. 195 frá
16. apríl 1941 um atgongd til prestaembætini í fólkakirkjuni, sb. lógarkunngerð
nr. 173 frá 4. juni 1947). Henda seinna gevur kvinnum
rætt at vera prestar í fólkakirkjuni.
Kirkjuráðslógin er yngsta kirkjulóg í Føroyum, (fyriskipan nr. 232
frá 25. mai 1981). Hetta er danska kirkjuráðslógin frá 1980 (lógarkunngerð
nr. 136 frá 15. apríl 1980), sum við broytingum er sett í
gildi í Føroyum. Lógin um kirkjuráðs- og vallóg er í einari lóg.
Hvat kunngerðum viðvíkur, er eisini talan um gamlar og ótíðarhóskandi
fyriskipanir. Kunngerð nr. 238 frá 20. september 1957 um
brævatkvøður er sambært lógarskrá Føroya 1996 enn galdandi, hóast
hon hevur støði í gomlu kirkjuráðslógini (fyriskipan nr. 196 frá 3. juli
1956, sum setur í gildi lóg um kirkjuráð í Føroyum).
Halgidagar
Galdandi lóg um halgidagar er fyriskipan nr. 441 frá 21. november
1923, sum setur í gildi í Føroyum lóg nr. 353 frá 7. august 1922 um,
at almennur friður skal vera á fólkakirkjunnar halgidøgum og grundlógardegnum.
Fyriskipanin ásetur, hvørji arbeiði kunnu verða gjørd
halgidagar, og bannar eitt nú samkomum ella drykkjulagi í almennum
vertshúsum frá kl. 9 til 16. Halgidagslóggávan er tikin við á lista B í
heimastýrislógini, men økið verður ikki longur umsitið av Kirkjumálaráðnum,
men Løgmálaráðnum. Danska halgidagslógin er frá