hvítabók • fylgibind 2 fyrisiting - Løgmansskrivstovan

284 · Hvítabók – Fylgibind 2
verk ímóti farsóttum, eisini kunnu verða settar í verk ímóti øðrum
sóttum, eins og hann hevur heimild at geva kravboð um, at fólk í
einum neyvt avmarkaðum øki skulu lata seg koppseta. Talan kann tá
eisini vera um ein ávísan samfelagsbólk.
Uppgávan hjá Sundhedsstyrelsen er at gera tilmæli til heilsumálaráðharran,
(sí omanfyri). Sundhedsstyrelsen kann eisini eftir samráð
við landslæknan áseta reglur um, hvørjir samfelagsbólkar ella hvørji
fólk skulu verða kannað fyri tuberklar, og reglur um læknahjálp til at
basa eini farsótt.
Uppgávan hjá Landsstýrinum er at samráðast við heilsumálaráðharran,
sum omanfyri nevnt.
Uppgávan hjá epidemikommisiónini er:
• At geva boð um, at ein og hvør, sum hevur fingið farsótt, ella tá ið
mett verður, at viðkomandi er smittaður av tílíkari sjúku, skal lata
seg kanna av lækna. Verður hetta ikki gjørt, kann viðkomandi verða
handtikin av løgregluni, soleiðis at kanningin kann verða gjørd.
• Epidemikommisiónin kann geva boð um, at ein og hvør, sum er
sóttfongdur, skal lata seg avbyrgja, og um neyðugt lata seg leggja
inn á sjúkrahús. Hetta kann eisini verða framt við hjálp frá løgregluni.
Epidemikommisiónin kann geva boð um at avbyrgja eitt
øki, har sum farsótt er farin at ganga.
• Verður hildið, at fólk er deytt av farsótt, kann epidemikommisiónin
í samráði við Sundhedsstyrelsen geva boð um, at líkið skal
verða kannað.
• Epidemikommisiónin kann seta kanningar í verk av bakteriologiskum
ella tílíkum slag, um hetta er neyðugt fyri at tryggja, at
ein smitta verður staðfest.
• Eftir reglum, sum Sundhedsstyrelsen ásetir, kann Epidemikommisiónin
geva boð um, at smittað ella smittandi fólk og tey,
ið hava verið í sambandi við hesi, mugu lata seg sóttreinsað; eins
og kommisiónin kann geva boð um at sóttreinsa leysoyra, fastogn,
flutningsfør o.a.
• Epidemikommisiónin kann geva boð um, at ein og hvør, sum
kemur til Føroya, skal lata seg kanna av lækna, og at viðkomandi
um neyðugt skal lata seg kanna av lækna á sjúkrahúsi. Hetta kann
eisini verða gjørt við hjálp frá løgregluni. Epidemikommisiónin
kann geva einum flutningsfólki skrivliga váttan um, hvørjar kanningar
hava verið gjørdar av farminum hjá viðkomandi sambært
hesi lóg. Váttanin skal vera ókeypis.
• Epidemikommisiónin skal áseta endurgjald í samráði við ein,
sum hevur havt miss av kanningum og øðrum, sum eru sett í
verk sambært hesi lóg.