hvítabók • fylgibind 2 fyrisiting - Løgmansskrivstovan

Fiskimálastýrið · 141
Hvat Føroyum viðvíkir er hetta heimildarlóg, sum gevur heimild
at áseta fiskimarkið um Føroyar við kongligari fyriskipan. Verður føroysk
lóggáva gjørd, er ikki neyðugt bæði við slíkari heimildarlóg og
sjálvari lógini um fiskimarkið.
Fyrisiting: Sambært § 1 í lógini er fyrisitingarmyndugleikin danski
forsætisráðharrin.
Henda lóg ásetir ikki nøkur beinleiðis krøv til fyrisiting, um málið
kemur undir føroyskt málsræði. Tó er greitt, at um so verður, kemur
ábyrgdin at verja markið einans at liggja á føroyskum myndugleika,
afturímóti sum nú bæði á donskum og føroyskum í felag, (Færøernes
Kommando og Fiskiveiðueftirlitinum). Sí A. nr. 598 frá 21.12.76.
Ikki neyðugt við samstarvsavtalu. Sí A. nr. 598 frá 21.12.76.
Fígging: Lógin hevur ongar beinleiðis fíggjarligar avleiðingar.
– A.nr. 598 af 21.12.1976 om Fiskeriterritoriet ved Færøerne.
Lóggáva: Henda kunngerð er donsk, men í løgtingslóg nr. 28 frá 10.
mars 1994 um vinnuligan fiskiskap við seinni broytingum er danski
lógarparturin um áseting av landleiðunum tikin við í føroysku lóggávuna.
Hóast lógarteksturin, sum víst er á frammanfyri, eisini er settur inn
í fiskivinnulóggávuna, eigur í sambandi við fullveldi at verða gjørd
serstøk lóggáva um føroyska fiskimarkið.
Fyrisiting: Eingin fyrisitingarmyndugleiki er nevndur. Kunngerðin er
sett í gildi við heimild í áðurnevndu lóg nr. 597 af 17.12.1976 „om
Danmarks Riges Fiskeriterritorium,“ sum heimilar forsætimálaráðharranum
at áseta avmarkingar fyri fiskimark.
Skyldan at tryggja donsk og føroysk áhugamál innan fyri ásetta
fiskimarkið er lóggávan í øðrum føroyskum lógum og kunngerðum.
Neyðugt er at gera sáttmálar við onnur lond um miðlinju, ella at
gera aðra semju um mark millum Føroya og onnur lond, har fjarstøðan
millum grundlinjupunktið er minni enn 400 fjórðingar.
Fígging: Kunngerðin hevur beinleiðis fyrisitingarligar og fíggjarligar
avleiðingar. Her kann verða víst á, at sum er, røkja Færøernes Kommando
og Fiskiveiðueftirlitið eftirlitsuppgávur í sambandi við fiskiskap
og bjarging á sjónum í felag, við hvør síni fíggjarábyrgd.
Tá uppgávan, sum Færøernes Kommando nú røkir, verður løgd til
føroyska fyrisitingarmyndugleikan, fer tað at økja um raksturin hjá
Fiskimálastýrinum. Uppgávan at røkja føroyska sjómarkið og bjarging