hvítabók • fylgibind 2 fyrisiting - Løgmansskrivstovan

Kapittul 3
3.1. Mál, sum Danmark umsitur, og
málsetingar fyri sjálvstøðuga umsiting
Sjóvinnufyrisitingin
Fiskimálastýrið · 167
Danska sjóvinnustýrið, (skipaeftirlitið), umsitur reglurnar um skipaeftirlit
og sigling og hevur ábyrgd av skipasýnisøkinum, sum umfatar
teknisk krøv til skip og eftirlit við hesum, lógarsmíð og arbeiði í altjóða
nevndum. Reglurnar um sigling og avmerking av siglingarleiðum
umsitur Farvandsdirektoratet.
Av teimum uttanríkismálum, sum knýta seg til sjóvinnu, er tað serliga
arbeiðið í ST-havfelagsskapinum IMO, (International Maritime
Organisation), sum hevur stóran týdning fyri føroyska sjóvinnu. Í felagsskapinum
arbeiða fleiri tekniskar nevndir, sum eru mannaðar við
fólki frá teimum ymsu sjóvinnumyndugleikum saman við serfrøðingum
á ymsu økjunum. Krøvini verða ásett í altjóða sáttmálum, t.d.
SOLAS, STCW, LL, MARPOL o.ø.
Sjóvinnustýrið røkir hetta arbeiðið vegna Danmark, og eisini vegna
Føroyar og Grønland. Í teimum málum, sum eru yvirtikin, t.e. sjóvinnufyrisiting
og sjóvinnuútbúgving, er tað serliga arbeiðið í STCWnevndini,
sum hevur okkara áhuga, og sum hevur beinleiðis avleiðingar
fyri okkara egnu løgtingslógir.
Av tí at Føroyar ikki eru limaland í ES, hava vit ikki havt umboð til
teir sjóvinnufundir, sum har hava verið. Ásetingarnar í ES-fyriskipanum
um sjóvinnu ávirka tó okkara sjóvinnu beinleiðis, av tí at krøvini
galda øll skip, sum koma í ES-havn.
Av øðrum altjóða nevndum kann verða nevndur arbeiðarafelagsskapurin
undir ST, ILO, sum ásetir reglur um arbeiðaravernd. Á sjóvinnuøkinum
eru tað teknisk og operationell krøv, t.d. útbúgvingarkrøv,
sum verða sett skipum og manningum.
Tann parturin, sum hevur við skipasýn og felagslóggávu á sjóvinnu-