hvítabók • fylgibind 2 fyrisiting - Løgmansskrivstovan

Avlamispensión o.a.
Almanna- og heilsumálastýrið · 319
Lb. nr. 101 af 02.03.1988 som senest ændret ved L. nr. 1131 af
21.12.1994.
1. Fyrisitingarligir myndugleikar og uppgávur
Fyrisitingarligir myndugleikar eru almannamálaráðharrin, landsstýrismaðurin
í almannamálum, Almannastovan, Den sociale ankestyrelse,
kærunevndin í almannamálum, Vanlukkutryggingarráðið, kommunurnar
og sjúkrakassarnir.
Sambært lógini er tað Vanlukkutryggingarráðið, sum tekur avgerð um
veita, broyta og taka aftur avlamispensión og røktar- og hjálparviðbót.
Umsóknin um avlamispensión verður send Vanlukkutryggingarráðnum,
og umsøkjarin skal hava váttan frá tí kommunu, har hann býr, og frá tí
sjúkrakassa, har hann er limur. Avgerðin hjá Vanlukkutryggingarráðnum
verður send Almannastovuni, sum umsitur lógina.
Avgerðir hjá Vanlukkutryggingarráðnum kunnu verða kærdar til
Den sociale ankestyrelse, og avgerðir hjá Almannastovuni kunnu
verða kærdar til kærunevndina í almannamálum.
Umsitingin av økinum varð yvirtikin í 1975.
2. Lóggáva
Ætlanin við lógini er at veita avlamisveitingar til fólk, ið ikki eru
arbeiðsfør.
Lógin er fólkatingslóg, sum er sett í gildi fyri alt ríkið.
Uppskot til nýggja lóg um almannapensiónir er løgd fyri Løgtingið
í tingsetuni 1998/99.
Við heimild í lógini eru hesar broytingar gjørdar:
– L. nr. 393 af 20.05.1992,
– L. nr. 393 af 22.06.1993,
– L. nr. 227 af 06.04.1994.
Sí viðmerkingar um nýggja løgtingslógaruppskotið um almannapensiónir
niðanfyri undir „fólkapensión.“ Uppskotið varð lagt fyri
Løgtingið í tingsetuni 1998-1999.
3. Fíggjarlig ábyrgd
Donsku myndugleikarnir hava við ríkislóg latið føroyska heimastýrinum
útreiðsluskylduna sambært hesi lóg. Sum endurgjald fyri at
rinda útreiðslurnar, fær heimastýrið blokkstuðul.
Tað er staturin, ið fíggjar útreiðslurnar hjá Den sociale ankestyrelse,
og heimastýrið fíggjar á løgtingslógini fyri 1998 uml. 130 mió. kr.